حوادث

عادل: مراتي طالبة الطلاق من غير سبب.. وسلمى: عايزة أدلع نفسي يومين

الجمعة 30/أبريل/2021 - 04:27 م

مراتي طالبة الطلاق من غير سبب

هاجر الصباغ

«مراتي سابت البيت وطالبة الطلاق من غير سبب، أنا عاوز أحافظ على شكل بناتي قدام الناس ع الأقل»، والزوجة ترد «عايزة أدلع نفسي يومين، بناتي كبروا وأنا كبرت»، هكذا وقف الزوجان "عادل" و"سلمى"، أمام محكمة الأسرة يتنازعان، الأم بدعوى خلع والأب بدعوى نشوز والبنات تقف بصف الأب.

قررت الطلاق فجأة

البداية كانت بزواج منذ 25 عامًا، عاشا الزوجان معا كافحا وصبرا، تخلل علاقتهم الكثير من الخلافات الزوجية، ولكن دائما ما يتخطونها بذكاء وحب، لتقرر الزوجة بعد كل تلك السنوات طلب الطلاق بدون سبب أو مقدمات، رغم أن لديها 3 فتيات وحياتها مستقرة جدا « طلبت الطلاق ولما رفضت اتهمتني في رجولتي، وبتقولي إنت مش راجل، وكل ده عشان مش عاوز أدمر مستقبلنا وحياتنا».

رفض طلاقها وخاف على بناته من الضياع

الزوج رفض تطليق زوجته، خاف على بناته من الضياع، ورفض تدمير حياتهن بطلاق والدتهن، خاف على مظهرهن أمام أزواجهن في المستقبل وصديقاتهن الحاليين، لتقوم الأم بفعل مضاد وتذهب لتؤجر شقة وتعيش بمفردها، البنات حاولن كثيرا مع أمهن والأب حاول إرضائها بكل الطرق ولكنها زهدت الحياة معهم « اتهورت لأول مرة في حياتي وضربتها، وتاني يوم لقيتها في محكمة الأسرة بتطلب الخلع، حاولنا كتير نرجعها عن قرارها بس هي مصممة ومش عارفين حصل لعقلها إيه».

اقرأ أيضًا..

«إيمان عبد الرحمن»: عِناد الأزواج سببه «الدلع»

طردت بناتها

« البنات حاولوا يقنعوها، بس هي طردتهم ومحدش عارف أخرتها إيه معاها إيه»، ليشهد الـ3 فتيات بذلك الكلام ضد والدتهم في محكمة الأسرة، مؤكدين أنها تركت المنزل منذ فترة طويلة بدون مبررات، ولا تستجيب لإلحاحهن للعودة للمنزل، بجانب أنها لا تعطي سببا لذلك.

الزوجة ترد: من حقي أعيش يومين

ومن جهتها ردت الزوجة أمام محكمة الأسرة، على دعوى النشوز مؤكدة أن.طاقتها نفذت ولم تعد تحتمل فهي تزوجت منذ 25 عاما، صبرت وكافحت مع زوجها، والآن أصبحت بناتها يعتمدن على أنفسهن، فقررت الطلاق حتى يتسنى لها أن "تعيش يومين" قبل أن تموت «ضيعت عمري عليهم، تعبت وصبرت وهما محدش مقدر ده، محدش بيسمعلي وأنا محتاجة أرتاح، محسسني إني خدامة قبل ما أكون أم وزوجة، محتاجة أعيش لنفسي يومين، هو رفض يطلقني وأنا من حقي الخلع».