سبب وفاة الملحن محمد رحيم
ريهام سعيد بعد أزمة صيد الثعلب: "امشي عدل يحتار عدوك فيك"
علقت الإعلامية ريهام سعيد، على أزمة وقف برنامجها الأخيرة والهجوم الذي تعرضت له، ونضرت صورة لها عبر حسابها الشخصي، على موقع الصور والفيديوهات إنستجرام.
وعلقت ريهام سعيد، على الصورة قائلة: "علي قد ما زعلت إني اتهاجمت واتجرحت كتير فرحت أوي إن ناس كتير بقت رحيمة بالحيوانات حتي لو مفترسة وخطر علي البني آدم.. أنا بعتذر علي أي مشهد في إساءة لأي حد وخصوصا الناس المهتمة بالرفق بالحيوان.. بعتذر اني تسببت في أي ألم لأي حد فيكوا.. لكن لازم تكونوا متأكدين إني اشتغلت واجتهدت وتعبت لمدة ١٨ سنة وأكيد مش محتاجه أي شهرة ولا مشاهدة".
وأضافت معلقة على الأزمة الأخيرة لبرنامجها، بعد حلقة صيد الثعالب، قائلة: "الهدف الوحيد هو تقديم محتوى محترم صادق ومفيد.. كنت عايزه أسلط الضوء علي مهنة الصيد اللي موجودة في كل أنحاء العالم بمميزاتها وعيوبها.. حبيت أقدم الحقيقة وأزود معلومة جديدة لأن هي دي نيتي بس أنا مش بشتغل في مهنة الصيد ولا بمارسها لكن هي موجودة".
وتابعت: أي اتهامات أنا هرد عليها الحلقة الجاية لكن المهم دلوقتي إن محدش يزعل مني لان أكيد كل الي اتقال ده مش حقيقة.. أنا عايزة أعيش في سلام وكفاية مشاكل.. نفسي اللي بيهاجموا وعمرهم ما اتفرجوا علي البرنامج يبتدوا يتابعوا يمكن تشوفوا قد ايه بنتعب وقد ايه حريصين إن إحنا نقدم أحسن حاجة.. أنا أسفة مرة تانية والمرة الجاية هحط في الاعتبار إن ساعات الحقيقة ممكن تجرح.. بس طلب أخير لما تلاقوا غلط أصحوا وأصلحوا ومتجرحوش.. لأن أكيد اللي رحيم بالحيوان هيكون رحيم بالبني آدم اللي هو ربنا حطه في أعلى مرتبة.
واختتمت حديثها: "أنا إنسانة وأكيد الحكم عليا أنا وعيلتي بالإعدام كل شويه مش عدل، خصوصا إن طول الوقت في سوء تفاهم ولكن بيكبر نتيجه المشاهدة العالية.. بتعرض لهجوم وإساءة رهيبه من غير ما حد حتي يعمل اعتبار لأولادي أو أمي.. من دلوقتي لازم نفهم قد ايه احنا بنتشاف ولازم نكون قد المسؤلية وحتي لو لينا أعداء متربصين.. إمشي عدل يحتار عدوك فيك، ووعد مش هنغلط تاني.. سامحوني".
