للمخطوبات فقط.. خناقات قائمة العفش.. كيف تتجنبيها؟

تظل قائمة المنقولات أو«عفش العروسة» سببًا في مشاكل كثيرة، وقد يصل الأمر لـ«خراب البيوت» ويتخلى العروسان عن بعضهما البعض، ومعها يموت الحب.

بوابة «هير نيوز»، طرحت سؤال على السيدات والفتيات والخبراء كيف يتجنبون مشاكل «عفش العروسة» أو قائمة المنقولات؟

تباين أجوبة السيدات حول عفش العروسة
تقول راوية عبد القادر، من محافظة القليوبية، إن قائمة المنقولات أو «عفش العروسة»، هي سبب انفصال الكثيرين.

وسردت موقفا حدث أمامها لإحدى جيرانها قائلة: «بنت جارتي كانت قاعدة على طاولة كتب الكتاب، وفجأة أهل العروسين اتخانقوا على عفش العروسة وقائمة المنقولات، وكل منهما ساب عقد القران ومشي، وباظت جوازة البنت على كدة واتقهرت بسبب تعنت الأهل من الطرفين، ولسة في محاولات للصلح بينهما من 3 شهور حتى الآن».

كما قالت شيماء مروان، أن زيجتها فشلت بسبب «عفش العروسة»، وقالت «أم عريس لما شافت عفش شقتي لما وديناه قبل الفرح بأسبوع قالت أيه ده؟، أمال ابني ماضي على قايمة بـ400 ألف ليه، هو فين العفش اللي بالمبلغ ده، وحصلت خناقة كبيرة وفشل الفرح بسبب كلام الأهل عندي وعند جوزي على الرغم من أننا كتبنا الكتاب، ولحد دلوقتي أنا وهو قاعدين نندب حظنا ومش عارفين نراضي أهالينا، الإتنثن غلطوا في بعض وإحنا اللي بندفع التمن».

عفش العروسة

كما حكت زينب صلاح، عن قصتها مع «عفش العروسة»، قائلة:«سبب الخراب، ومصيبة بين الأهل، وبسببه ممكن العروسين يدفعوا تمن خطأ لم يرتكباه، زي اللي حصل معايا، أهالينا اتخانقوا علشان الستاير والنجف، والجوازة اتفضت، ومحدش عارف يتدخل للصلح، أنا بنصح أي عروسة وعريس، ميدخلوش الأهل في قصة العفش دي، اشتروا على قدكم بدون تكلفة، ومحدش ليه دعوة بيكم».

-اقرأ أيضا.. حيل الشباب لترويض شروط أهالي العروسة.. ويؤكدون: «لو بتحبك هتتحل»

أساسيات جهاز العروسة
بينما أكد صفوت محمد، خبير اقتصادي، أن قائمة المنقولات أو عفش العروسة أصبحت مبالغ فيها، وهي بالطبع ترهق الأسر اقتصاديا وماديًا وأنه يجب تجنبها بشراء الأساسيات والضروريات في الجهاز، ويجب على الأهالي الاتفاق حول الضروريات فقط.