ابني كان هيموت بقنبلة.. التفاصيل الكاملة لهجوم لبنى ونس على محمد رمضان

تسببت الفنانة لبنى ونس في جدل كبير بالساعات الماضية، وذلك عقب هجومها على الفنان محمد رمضان، والمخرج عصام الوريث، وذلك عقب إعلان الأول عن إصابته بجروح بالغة أثناء تصوير إعلان لأحد الألعاب، والتي تسمى «free fire».

وكشفت لبنى ونس عن تعرض نجلها يوسف لحادث، دون الإفصاح عن أي تفاصيل تخص هذا الحادث، مشيرة إلى أن السبب به هو فساد بعض الأشخاص أثناء عمله بالتمثيل.

ونشرت عبر صفحتها الرسمية بموقع التواصل الاجتماعي "فيسبوك" تدوينة قائلة "حسبنا الله ونعم الوكيل ابني انكتب له عمر جديد امبارح.. أشكرك يا رب وأحمد فضلك.. بسبب خسة وفساد ضمائر البشر.. والذي رفع السماء بغير عمد.. انصرنا على شياطين الإنس في مهنتنا".

وبعدها حرصت لبنى ونس على كشف تفاصيل الحادث، مؤكدة أن المخرج عصام الوريث كاد أن يتسبب في مقتل ابنها يوسف، ونشرت قائلة "عصام الوريث كان هيتسبب في قتل ابني يوسف امبارح.. حسبنا الله ونعم الوكيل.. فرحان بنفسك إنك تحط قنبلة تحته من غير ما تقوله ومن غير ما تلبسه واقي.. ربنا ينتقم منك.. الحمد لله ربنا لطف بابني وبيه.. وإذا متمش محاسبته هيتسبب في قتل مين تاني.. عار على الإنسانية.. مش هاسيبك".

كما حرصت أيضًا آية سعيد نجلة الفنانة لبنى ونس على الكشف عن تفاصيل إضافية عن الحادث، ونشرت عبر صفحتها الرسمية بموقع التواصل الاجتماعي قائلة "أخويا يوسف ربنا نجاه من الموت امبارح.. في تصوير إعلان لعبة اسمها free fire لمحمد رمضان.. وانفجرت فيه قنبلة بارود".

وتابعت "خبير المفرقعات اللي بيشتغل مع رمضان اسمه عصام الوريث.. اللي المفروض جزء من وظيفته الحفاظ على حياة الناس.. اللي بيشتغل معاهم.. قاله ديه قنبلة صوت ومطلعتش كده.. ومفكرش حتى يلبسه حاجة تحميه أو ينبهه أو يعدل مكان وقفته.. ومن غير سابق إنذار ومن غير أي احتياطات تحافظ على جسمه وحياته هو واللي حواليه".

وأضافت "انفجرت القنبلة تحت رجله.. والنتيجة حروق من الدرجة الأولى في رجله كلها.. والتهاب في جدار الخصيتين.. وعمره كان هيضيع والخصيتين كانوا هينفجروا لولا ستر ربنا.. وأنه وطى ورجع لورا على آخر لحظة.. وأستاذ عصام كان شايف أن يوسف مأفور.. وإن فيه إيه يعني اللي حصل ده.. أنت مثلت مع رمضان ده أنت دخلت التاريخ".

واستكملت "وشوفت المشهد طلع حلو إزاي.. أستاذ أشرف مشكورًا ماسبهوش لحظة.. ومتابع معانا كل التفاصيل.. فيه تقرير طبي وفيه محضر وهتبقى قضية.. وكده كده حقه مش هنسيبه.. والبوست هيفضل مفتوح للتعديل.. وعلشان نزود كل تفاصيله في القصة دي.. اللي عنوانها الإهمال واللامبالاة والفشل.. والناس اللي فاكرة أنها ممكن تعمل أي حاجة وتعدي بيها عادي".

وأجرت تعديلا على المنشور قائلة "أيوة شوفت فيديو محمد رمضان اللي مصور فيه ضهره محروق على أنغام أغنية كله في حبك يهون.. وده ملوش أي معنى غير إن سيادته بيشتغل مع شوية هواة.. والسؤال بقى هل لو الحرق بين رجله كان كله في حبها هيهون برضه.. ولا كان هينزل بأغنية دايمًا دموع".

وعلقت لبنى ونس على منشور نجلتها قائلة "حسبنا الله ونعم الوكيل فيكم ولادنا أغلى من الدنيا كلها".