فتاة سقارة لمُتابعيها: "كفاية أنا تعبت"

حرصت الموديل سلمى الشيمي التي لقبوها بـ "فتاة سقارة" على توجيه الشكر لكل من وقف بجوارها بعد أزمتها الأخيرة، حيث كتبت عبر صفحتها بموقع التواصل الاجتماعي "فيسبوك" رسالة شكر لكل من وقف بجوارها وكل من هاجمها.

وقالت الشيمي في رسالتها: "شكرا لكل الناس اللي وقفت جنبي، حابة أشكر كل الناس سواء اللي وقف جنبي او اللي هاجمني لكن في الآخر أنا بشر ممكن يكّون اللي بعمله غيري يشوفو صح وممكن غيري يكّون شايفه غلط".

وأضافت: "في الآخر أنا بحترم كل الناس، وبحترم كل الآراء وبحترم أسرتي جدًا، ومش عايزة حد يزعل مني.. أنا اتصورت زي أي شخص ممكن يتصور".

وتابعت: "بطلب من الجميع يقفل الموضوع لاني اتأذيت نفسيًا وتعبت، أنا زي أي بنت عايزة أعيش حياتي من غير ما حد يضايقني أو يقول كلام مش صح عني".

واختتم حديثها: "فِي الأخر رجاء نقفل الموضوع ده، وبلاش تبقوا سبب في خراب حياة غيرك كلنا معرضيين لضيقة، وأنا في بداية حياتي وعاوزة اكملها، بلاش تكونو سبب في نهايتها.. شكرًا".

وكانت أمرت نيابة حوادث جنوب الجيزة بإخلاء سبيل فتاة فوتوسيشن الاهرامات سلمي الشيمي والمصور حسام محمد بكفالة ٥٠٠ جنيه لكل منهما.