زوجتي تتحدث سرًا مع رجل ولا أستطيع استعادة ثقتي بها
نشر رجل متزوج مشكلته مع زوجته عبر منصات التواصل الاجتماعي، ويطلب من رواد تلك المنصات الحل، وفي السطور التالية تكشف «هير نيوز» تفاصيل مشكلة الرجل مع زوجته.
وقال الرجل في شكواه:
السلام عليكم يا جماعة، زوجتي تتحدث سرًا مع رجل ولا أستطيع استعادة ثقتي بها، محتاج نصيحتكم بجد، وياريت اللي مر بتجربة مشابهة يحكي لي تجربته بكل صراحة
أنا متزوج، واكتشفت بالصدفة إن مراتي كانت بتتكلم مع راجل من ورايا لمدة 3 أيام تقريبًا، والمشكلة إن المكالمات كانت كتير، حوالي 10 أو 12 مكالمة، والمكالمة الواحدة كانت بتوصل لنص ساعة أو أكتر
لما واجهتها، قالت لي إن الكلام كان في أمور عادية، لكن أنا مش قادر أقتنع إن الأمور العادية تحتاج لكل الوقت ده، خصوصًا إن الراجل، حسب كلامها، كان عايز الموضوع يفضل سر ومحدش يعرف عنه حاجة، اللي وجعني مش مجرد المكالمات، لكن إنها استمرت في التواصل معاه من غير ما أعرف، وإن الموضوع ما اتكشفش غير بالصدفة.
من وقتها وأنا مش عارف أتصرف إزاي. جزء مني عايز يحافظ على بيته ويدي فرصة للإصلاح، وجزء تاني مش قادر يتجاوز اللي حصل أو يرجع يثق زي الأول، أنا مش عايز أظلمها، وفي نفس الوقت مش عايز أظلم نفسي وأعيش طول عمري في شك.
سؤالي لكل واحد مر بتجربة مشابهة: هل التواصل السري والمكالمات الطويلة كفاية إنك تفقد الثقة في زوجتك؟ هل ممكن الثقة ترجع بعد موقف زي ده؟ لو كنت مكاني، كنت هتدي فرصة تانية ولا تنهي العلاقة؟ إيه العلامات اللي تخليك تعرف إن الطرف التاني ندمان فعلًا وعايز يصلح غلطه؟.
ياريت الردود تكون من ناس عندها تجارب حقيقية ومن غير تجريح أو شتائم. أنا فعلًا محتاج أسمع آراء مختلفة قبل ما أخد قرار ممكن يغير حياتي، ربنا يصلح حال كل بيت ويكتب الخير للجميع.
وجاءت الردود عليه كالتالي..
برأيي اللي عملته زوجتك مو شغلة بسيطة لأن التواصل السري مع رجل تاني وبهالعدد من المكالمات بيهز الثقة بين الزوجين حتى لو ما كان في خيانة فعلية أنا لو محلك ما كنت رح أرجع أتعامل معها كأنو ما صار شي كنت رح أحط حدود واضحة وأطلب منها تفسير صريح وإذا حسيت إنها عم تتهرب أو عم تقلل من وجعي وما عندها استعداد تتحمل مسؤولية تصرفها فالأفضل تعيد التفكير باستمرار هالعلاقة لأن الحياة الزوجية من دون ثقة بتصير تعب للطرفين.
متستعجلش في قرار الانفصال لأن اللي حصل مقلق فعلًا بس مش دليل قاطع على الخيانة اسألها بهدوء عن سبب المكالمات وليه كانت سرية وشوف هل كلامها منطقي وهل هي مستعدة تكون صريحة معاك وتراعي مشاعرك لو لقيتها ندمانة بجد ومستعدة تصلح اللي حصل اديها فرصة لكن متضغطش على نفسك عشان تحافظ على البيت وخد وقتك لحد ما تعرف إذا كنت تقدر تثق فيها من جديد ولا لأ.
حينما تواجه شخص عامل غلط .. فورا هيبان عليه . يعني تظهر على وجهه الصدمه..لكن من خلال كلامك فهمنا ان زوجتك عندها ثبات انفعالي جيد يعني فهي تتحدث وهي واثقه من نفسها . وايضا قالت شيء ملفت ان الشخص هذا يريد ان الشيء يبقى سري . يعني ربما هو احد انت تعرفه وعنده مشكله او عندها مشكله ويحاولان معا حلها . الذي يعمل غلط يتوقف ولو لفتره كي لا يثير الشكوك .وايضا يحاول ان يحسن علاقته بشريك حياته كي لا يشك في شيء. لكن زوجتك مستمره رغم مواجهتك لها .انت من حقك تشك لو شفت في شيء مش طبيعي .ولكن من ناحيه اخرى ارى انك غارق في التفكير في الامر لدرجة ان كل تفكيرك اصبح كيف تخرب بيتك . ارى ان تتحدث مع زوجتك بصراحه وتقول لها كل ما يدور بخاطرك . يعني كي لا يستمر الشيطان باللعب بكم وتخريب بيتكم .على الاقل ان تقول لك من هذا الشخص وما علاقتها به . وان رأيت ان الامر مقنع فهو خير ..واتمنى ان يكون احد محارمها. لانه حتى وان احتاج اي شخص لمساعدة فلا يجوز اكثار الكلام مع غير المحارم لان مثل هذه الأمور تقتح أبواب للشياطين .تحدث مع زوجتك بصراحه وطالما ليس هناك شيء واضح حقك ان يأخذك التفكير بعيدا .