سهير جودة: «الستات أجدع من الرجالة في السواقة»

أشادت الإعلامية سهير جودة، بقيادة السيدات، قائلة: "الستات لما بتسوق العربيات بتكون ملتزمة بكل القواعد في السواقة ولكن بردو لكل قاعدة شواذ".

وأضافت جودة، خلال حلقة اليوم، من برنامج "الستات مبيعرفوش يكدبوا"، أن قيادة السيدات إذا كانت تشعر بهدوء تكون أفضل، قائلة:" لما الرجالة مش هتكون موجودة الدنيا هتبقى رايقة وهيبقى في نظام ومش هنعاني من مشكلة المرور".

وتابعت: "في سواقة الستات مش هتسمع الألفاظ اللي الرجالة بتقولها أثناء القيادة والتنمر على سواقة الغير".

وأكدت أن السيدات لاتحشى أعطال المرور، قائلة: "الستات جدعان جدا ولو واحدة صاحبتها عطلت منها عربيتها هتروحلها علطول".