إهانة زوجة: «زوجي رفض يعزمني وفضل أهله ولم يكتفي إلا بضربي أمامهم».. ما الحل؟

نشرت زوجة مشكلة حدثت بينها وبين زوجها عبر منصات التواصل الاجتماعي، وكانت كالآتي: "السلام عليكم متخانقة مع زوجي وكنا خارجين مع أهله في مطعم واحنا قاعدين قدام الناس قالي أنا مش هحاسب ليكي وهو عارف معيش فلوس في شنطتي وقال يا جماعة العزومة عليا أنا هحاسب قولتله براحتك بس أنا الوحيدة المسؤولة منك رايح تحاسب للغريب وسايب مراتك تدخلت حماتي قالتلي احنا أهله أنتي الغريبة قولتله خلاص أنا هقعد في العربية لحد ما تخلصوا أكل قام حدفني بزجاجة من غضبي حدفته أنا كمان وقام ضربني ضرب جامد قدام أهله وكل الناس في المطعم اتفرجت محدش حاول من أهله يدافع عني شابين غرب بعدوه عني وواحدة غسلت وشي وطبطت عليا أنا غلطت؟". 

اقرأ أيضا..

وأصبح رواد منصات التواصل الاجتماعي في حالة غضب تجاه الزوج، واتجهت كل التعليقات في ناحية واحدة كالآتي: 

كتبت مي غريب: "لازم هو يعتذر هو وأهله... وحقيقة أنك الوحيدة الملزومة منه دي حقيقة دينية محدش ينكرها والزوجة والأولاد هم الأولي بالصرف وإلا كان يقعد جنب أهله بقى". 

فيما كتبت دينا وجدي: روحي المطعم خدي الكاميرات وهاتي محامي شاطر يربيهولك من أول وجديد عشان يبقى يعمل دكر حلو، وطبعا دا مش بني آدم تأمني تكملي معاه.. ف خدي حقك بقى". 

اقرأ أيضا..