كيف أتعامل مع زوجي بعد أن تزوج عليّ؟
روت سيدة مشكلتها مع زوجها، عبر حساباها على مواقع التواصل الاجتماعي وطلبت من متابعيها ردودا وحلولا لها، لتفادي ما حدث معها واستقرار حياتها الزوجية.
وقالت الفتاة في مشكلتها: "السلام عليكم كيف أتعامل مع زوجي بعد زواجه علي انا متزوجه من سبع سنوات ورزقت منه 3 اطفال عمري 42 وزوجي عمره 48 زوجي يعاني من اكتئاب مزمن من 30 سنه بدء معه وهو في الجامعه وكان احد شروط زواجه مني اني اساعده على الشفاء من الاكتئاب ويرجع لحياته الطبيعيه".
وأضافت: "طبعاً زوجي احد اسباب اكتئاب والده كان قاسي عليه وجاف ومهمله وكذالك والدته ماكان لها رأي اي شي يقوله زوجها تسمع كلامه اللي هو والد زوجي وكان اول زواج لزوجي في سن 30 تزوج بأمرأه لمدة عشر سنوات وانجب منها 3 اطفال وبعدها طلقها حسب كلامه انها قاسيه ومتسلطه وكانت تشوفه انه رجل عاجز ومريض نفسي اذا مالم يقوم بطلباتها او تغيب عن عمله حاول ارجاعها لكن رفضت هي واهلها".
وتابعت: "بعد طلاقه بسنه توفى والده وتزوجني و كان اول سنتين من زواجنا كان يراجع في احد المستشفيات النفسيه وياخذ حبوب بعدين وقفها لانه ماحس بأي تحسن وكان اي شيء يطلبه مني اتجاه نفسيته كنت اساعده قد ما اقدر واخدمه بكل حب وعطاء وحنان غير كذا كنت ارقيه بالقرآن كان كثير النوم مهمل في نظافة نفسه مايقدر يقوم بأي عمل يحس كل شي صعب عليه طبعاً تم فصله من عمله لكثرة غيابه وتعب نفسياً صار اغلب وقته جالس في البيت وانا طبعاً صابره ومتحمله ماكنت اشكي لأحد ولا تذمرت من وضعه لا النفسي ولا المادي وماكان بينا طلعات ولا سفر ولا شيء ترفيهي في الحياه جالسه معه في البيت".
وواصلت: "كانت عندنا طلعه اسبوعيه لأهله من الخميس الى الخميس واهلي كانو في مدينه ثانيه بعيدين عني كنت اروح لهم كل شهرين اوثلاث شهور اجلس عندهم شهر وارجع طبعا اخوي هو اللي يأخذني ويرجعني كنت اقول ربي بيفرجها علي في الايام الجايه".
وأضافت: "اخرتها قبل شهرين خطب بنت عمرها اربعين وافقت هي واهله على وضعه المادي والنفسي وتزوجها له اسبوع وانا جيت عند اهلي لين يخلص عرسه وبرجع بيتي انا حالياً مقهوره على نفسي بعد سنوات صبري عليه يجازيني بزوجه المشكله ماقصرت معه بشي ابداً وهو معترف لي انا ماقصرت معه قايمه بواجباته معيشته ملك رغم تقصيره معي من الناحيه العاطفيه والجنسيه وكان يعتذر ان تقصيره بسبب نفسيته وانه يحبني ويموت فيني وفكر بالزواج لانه يشوفه احد الحلول لنفسيته انه راح يساعده في الخروج من البيت اذا كان يوم عندي ويوم عندها".
واختتمت: "انا حالياً عايشه بصدمه منه ماكان يقدر يقوم بأي شي لكن الزواج قدر يسعى له اللهم تأثيث شقة زوجته اعطاهم الفلوس وهم اثثوها مع بنتهم تكفون انا بموت قهر من فعلته ساعدوني دلوني ارشدوني وش اسوي اذا رجعت له ورجعت لبيتي واللي قاهرني اكثر البنت واهلها كيف توافقون على واحد بمثل ظروف زوجي يعني صحيح زوجي سمعته كويسه وكاف خيره شره بس مايكفي لزواج هل تتوقعون قرار زواجه صحيح او لا ساعدوني كيف اتعامل معه في المرحله الجايه بما اني مجروحه منه ومقهوره لكن مابيت له اذا اتصل يسأل عني ؟".
وجاءت الردود عليها كالتالي..
من حقه يرتاح مع شريكه مثاليه
حبيبتي خذيها مني ما راح تستمر معه انتي تحملتي هي ما راح تتحمل يمكن مخلتيه وسيله للإنجاب لو جابت طفل او اثنين ممكن تنفصل عنه
طبعا البنت ٤٠ توافق عليه عل طول و سعوديي ابن بلدها أنا ٣٧ و رفضت عرسان كثير إذا جاني زوجك خاطب باخذه الحين لأني خايفه أوصل الأربعين و تنتهي حياتي ، الله يرزقني
طلقيه والف من يتزوجك