أخت زوج حشرية: « زوجة أخي تترك أبي وأمي وتذهب لأهلها أسبوع».. ما الحل؟

وسردت إحدى السيدات مشكلتها مع زوجة أخيها عبر منصات التواصل الاجتماعي، حيث طلبت رأي رواد تلك المنصات عن تصرفات الزوجة بعد أول 4 شهور فقط زواج، وكتبت: أنا اخويا متجوز بقاله 4 شهور ومراته قاعده ف بيت العيله وكده راحت تقعد أسبوع عند أهلها وجوزها موافق بعتلها ع الواتساب أنا متجوزة، بقولها بحسن نية أنتي لسه مروحتيش قالتلي لا لسه أسبوع كده قلتلها كل ده ليه قالتلي عادي جوزي قالي ماشي عادي قلتلها بس أنتي عارفة أن ابويا تعبان وأمي صحتها ع قدها قالتلي مش فاهمة قصد كلامك أي فهميني قلتلها خلاص مالوش لازمه قالتلي أنا من يوم ماتجوزت وأنا مرحتش قعدت عندهم والأسبوع مش هيعمل حاجه وربنا يخلي ماما اللي هي حماتي والبيت مفهوش شغل يعني واشتكتني لأخويا و هو زعلان على زعل مراته، أنا غلطانة في حاجة". 

وجاءت التعليقات على مشكلة أخت الزوج من زوجة أخيها كلها لتهاجم الأخت، وكانت كالآتي: 

حيث كتب محمد ناجي: "من فضلك ركزي في حياتك ومالكيش دعوه بعلاقه أخوكي بمراته هما أحرار في حياتهم وهو مسؤول عن بيته وزوجته مش إحنا، تدخلك حتى لو بحسن نيه ممكن يتفهم غلط ويعمل مشاكل مالهاش داعي خليكي في حدودك وافتكري دايما إن كل بيت وله أسراره وخصوصياته اللي ما ينفعش حد يتدخل فيها حتى لو كان قريب... كل واحد لازم يتحمل مسؤوليته من غير تدخلات علشان الحياه تمشي بهدوء أخوكي عارف هو بيعمل إيه ومراته برضه عارفه أولوياتها مفيش داعي للتعليق على حاجه مش تخصك التركيز على حياتك هيكون أفضل ليكي وللجميع.. ربنا يصلح حالك وحالنا". 

فيما كتبت هالة محمد: "خايفة عليهم روحى اقعدي معاهم لكن متتدخليش بين راجل ومراته"، بينما كتبت سهيلة مصطفى: "طيب ما تروحي انت هيا مش ملزمه ولو بتعمل ده يبقا ده كرم منها بجد وبعدين قبل ما تتجوز كنتي بتعتمدي علي مين بقى؟؟؟؟". 

اقرأ أيضا..