رجل حائر: «زوجتي عقيمة وأريد الزواج ولكن أخاف جرح مشاعرها».. ما الحل؟

طرح رجل عبر منصات التواصل الاجتماعي مشكلة يحتار فيها عبر إحدى صفحات منصة "فيسبوك"، حيث كتب: "يا جماعة أنا شاب عندى ٢٨ سنة وربنا مكرمش بخلفة لسه بقالى ٧ سنين متجوز والمشكلة عند زوجتى وكشفت ليها عند دكاترة مصر والكلام كان واحد مستحيل ولا حقن حتى وأنا عايز اتجوز أنا وحيد أبويا وأمي وأنا الحمد لله ميسور جدا جدا وعايز اتجوز بس مش عارف أعمل كده ولا عارف هقول لمراتى ازاى لأن الصراحة هيا بتحبنى وبتخاف عليا أكتر والله من نفسها ولا عمرها زعلتنى فى يوم بالعكس هيا مش عارفة تراضينى ازاي وأنا ببص لقدام أنا وارث عن أبويا مصنعين قماش وحالتى المادية الحمد لله وبقول بعد عمر طويل كل ده هيبقى لمين هموت وأشوف ليا ولد أو بنت أفرح وألعب معاهم أنا مش عارف أعمل اية أو أقولها هتجوز عليكى ازاي". 

اقرأ أيضا...

وجاءت ردود منصات التواصل الاجتماعي حول مشكلة رجل متزوج ويريد الزواج مرة أخرى بغرض الإنجاب، كالآتي: 

حيث كتبت دعاء محمود: "حقك تتجوز دى شرع الله لكن زوجتك ضعها تاج على رأسك وإياك واهانتها أو جرحها واحرص على ارضائها وعسى أن يبارك الله لك فى مالك وأولادك إن شاء الله بفضلها". 

فيما كتبت أمنية إبراهيم: "هو حقك وشرع ربنا والحل الصح، قولها بكل صراحة ووضوح وأعتقد لو هي عارفه أن السبب منها، هتكون متفهمة الأمر هيكون عندها حريه الاختيار بين أنها تكمل أو لا". 

اقرأ أيضا..