فتاة في ورطة: «حصل تجاوزات بيني وبين طليق أختي».. هل يجوز زواجنا؟

أثارت فتاة الجدل عبر منصات التواصل الاجتماعي بسبب مشكلة حدثت بين شقيقتها وزوجها، ما جعلها تتدخل بينهما لتقع في حب زوج شقيقتها، حيث قالت: "كل كلمة هقولها حصلت أنا عاوزة نصيحة وبدون تجريح، دلوقتي أختي كانت متجوزة ومخلفه ولد المهم حصل بينها وبين جوزها مشاكل وانفصلت. المهم أنا أختها الوحيده ودخلت أصلح ما بينهم وقعد يتكلم معايا وقعد يحكى مشاكل وحاجات اختى مقلتهاش بصراحه صعب عليا، قعدت أكلمه شهرين لغاية لما اتعلقنا ببعض وحبينا بعض جدا معرفش ازاي رغم ان وهو جوز اختى مفكرتيش فيه خالص. المهم اتفقنا على الجواز بس أنا عارفه عندى مش هيوافقوا أبدا غير لو اختى اتجوزت قعدت ادورلها على أى عريس مفيش المهم حصل بينى وبينه تجاوزات وندمت وهو مصمم يتقدم ويتجوز وزى ما تيجي تيجي ومتسك بيه جدا بيقولي هتجوزك يعنى هتجوزك مش عارفه أعمل إيه وافتح الموضوع ازاي اختى هو مش في دماغها خالص وعندها استعداد تتجوز غيره وأنا مقدرش استغني عنه، اعمل إيه قوليلى بجد بدون تجريح أنا حبيته وهو مش جوزها يعنى مخطفتوش منها". 

اقرأ أيضا.. 

وكانت تعليقات رواد منصات التواصل الاجتماعي على مشكلة الفتاة مع شقيقتها وطليقها كالآتي:

حيث كتب أحمد عطية: "أسالي دار الافتاء الأول أصلا هل يجوز لأن القران بيقول وأن تجمعوا بين الاختين الا ما قد سلف، فشوفيها حرام ولا حلال ولو قالولك حرام يبقي خلاص ولو قالولك حلال يبقي خلاص برضو أكيد مش هتكدبي اختك وتصدقيه لو كان فيه الخير ما كان رماه الطير". 

فيما كتبت وفاء حمد الله: "حبببتي عندنا جوز الأخت لما يطلق الأخت لو شفناه في شارع بنعدي من شارع تاني بنفتكر خذلانه مع أختنا بندعي ربنا يعوضها على الأيام اللي عيشها فيها زعلانه بنسندها ونقويها ونكون ليها عون وسند مش بنعمل كده". 

اقرأ أيضا...