خديجة صاحبة واقعة «تحرش التيجاني»: «أي بنت حابة تحكي وتتكلم تبعتلي»

واقعة التيجاني المتحرش، تقدمت خديجة خالد، صاحبة اتهام صلاح التيجاني، شيخ الطريقة التيجانية في مصر، بالتحرش، بالشكر لكل من دعمها خلال الأيام الماضية، في منشور لها على صفحتها الشخصية بموقع التواصل الاجتماعي «فيس بوك»، كأول تعليق منها بعد خضوع التيجاني للتحقيق من قبل جهات التحقيق المختصة، ومن ثم إخلاء سبيلة بكفالة مالية.

وقالت خديجة في منشورها: الحمد لله أنا أحسن بكتير وشكرا على كل الدعم اللي انتوا قدمتهولي وانكم وقفتوا جنبي.. وشكرا لكل البنات الشجعان اللي بعتولي واتكلموا وقرروا يواجهوا ويشهدوا بالتحرش اللي اتعرضوا ليه سواء من وقت قريب أو من سنين كتير.

وأضافت: حابة أطمنكم ولو فيه أي بنت حابة تحكي وتتكلم، تبعتلي ونتواصل مع مؤسسة قضايا المرأة وهما ياخدوا الإجراءات اللازمة ويحمونا إننا نتعرض لحاجة زي كدة تاني.

كما أعربت عن فخرها بكل فتاة استطاعت الحديث وسردت تجربتها وقهر خوفها، قائلة: أنا فخورة جدا بكل البنات الكتير اللي بعتولي واللي قدروا يقهروا خوفهم ويتكلموا وأنا كنت مجرد سبب بسيط ربنا جعله باب لناس كتير تتكلم ويقدروا ياخدوا حقهم وكلنا ثقة في القضاء وإن شاء ربنا معانا وينصرنا.