«زوجي بيصرف على أولاد أخته الأيتام ومش عارفين ندخر» ما الحل؟.. ونشطاء: في ميزان حسناته

نشرت سيدة شكوى عبر إحدى مجموعات الدردشة النسائية على منصات التواصل الاجتماعي، وسرعان ما انهالت التعليقات ما بين مؤيد ومعارض لموقف سيدة من زوجها بسبب أهله، حيث قالت السيدة: "زوجي يعمل في مجال السيارات، وبيكسب منه حلو اووي، لكن اللي بيشتغل بيه بيروح على مصاريف البيت وعلى اخته، لأن زوج أخته اتصاب في الشغل والإصابة أدت إلى الوفاة".

ثم أضافت سيدة تشتكي من زوجها: "أجر لأخته شقة في العمارة اللي قدامي ب ٢٥٠٠ في الشهر، خلاف إيجار شقتي برضو ب ٢٥٠٠ وهو متحمل كافة مصاريفها من إيجار الشقه ومعاها ٣ بنات توأم في الإعدادية، فكنت زعلانة أوي أن رزق ولادي بيروح بره، فكنت ديما بعمل مشاكل مع زوجي أن يجوز أخته ويشيل من علينا المصاريف دي، لدرجة أن بنات أخته بتقول لزوجي يا بابا بدل ما يقولو يا خالو".

واختتمت شكواها عبر مجموعة الدردشة النسائية: "زوجي عمره ما دخل على أخته ايده فاضيه من ٦ سنين، لازم بعد الشغل يخش يطمن علي أخته وبناتها حتى لو راجع من الشغل في الفجر، فعشان كده أخته بترفض جميع العرسان وتقول هربي بناتي أحسن، وزوجي موافقها على الرأي ده ويقولها أنا مش اخوكي انا ابوكي، وزوجي أصغر من اخته بحوالي ٨ سنين، ولازم يوم الجمعه يعزمهم على الفطار والغدا والعشاء، بيقضوا اليوم كله معانا، والله اللي مزعلني على قد ما زوجي بيكسب، لكن مفيش قرش شايلاه اللي بيشتغل بيه يوميا مصاريف لبيته ولبيت أخته، فأنا عاوزة يعمل حاجه لأولادي، يشيل قرشين لجوازتهم.. إيه الحل". 

اقرأ أيضا.. 

وقد نشرت إحدى رواد منصات التواصل الاجتماعي، شكوى سيدة من زوجها بسبب مراعاته لأخته بعد وفاة زوجها، عبر منصة "فيسبوك"، وسرعان ما انهالت التعليقات، حيث قال أبو مريم: "قال النبي صلى الله عليه وسلم أنا وكافل اليتيم كهاتين في الجنه وأشار باصبعيه السبابه والوسطى صدق رسول الله ربنا هيبارك لجوزك، وأنتي اوعى تحبطيه بكلامك ده لأن الأرزاق على الله ربنا هيرزقه برزقكم ورزقهم نحن نرزقكم وإياهم ابشرى".

كما رد حساب يحمل اسم "ياسين حبيب تيتة" على شكوى سيدة بسبب أخت زوجها: "اتقي الله وسيبي زوجك يصل رحمه لما تتزوج تجيب راجل غريب لبناتها ازاي والله يابنتي ربنا ساترها معاكم وبيرزقكم علشان خاطر اليتامي بالعكس لو هو قصر أنتي شجعيه علي صلة الرحم والحاجات دي هتنفعك وتنفع ولادك وزوجك وعيالك لما يكبروا حيعملوا زي أبوهم خير أما بالنسبه لزوجك ربنا يكرمه ويحسن ما بين ايديه ويجعل عياله بارين بيه وبيكي زي ما هو بار بأخته، يا بختك بزوجك".

بينما رد حساب باسم "محمود ادم مروان محمد": "ربنا بيرزقه عشان الناس دى بيوصلهم رزقهم عن طريقه وده مش بمزاجه ده منحه من ربنا....الله ولى الذين أمنوا.. سبحان المنعم العاطى الوهاب المانع.. لو منع عنك هبه من هباته، فاحمدوا الله على ستره وعلى عطاياه فإن القلوب بين رحمه الله يقلبها كيف يشاء.. لما تكون أنت والصحة بتدور على المال وتجيب المال هتاخد المال وتدور أنت والمال عن الصحة".

اقرأ أيضا..