أرسلت سيدة مشكلتها الى أحد جروبات مواقع التواصل الاجتماعي النسائية حيث قالت: أنا اسمى" أ. ف" عمرى  35سنة".

وأضافت فى رسالتها :  « انا عايزة اخد رأيكوا في حاجة يمكن انا غلط انا جوزي معروف عنه وسط أهلي بالاحترام، وانه مش بتاع ستات وانه مش بيبص في عين حد وهو بيكلم ، وهو اصلا كلامه قليل ده بشهادة اهلي.

وتابعت : اختي في تانيه جامعه بصراحة هي احلي مني في كل حاجة في الشكل ، انا معترفه بده هي طويلة وجسمها متناسق وشعرها ناعم وبيضا وانا سمرا وطخينه وشعري حلو بس مش ناعم .

وأضافت : حماتي كل ما تجيلنا ويصادف اختي تكون موجودة ، تفضل تبصلها وتفصصها ودايما تقولي اختك حلوة اختك تلاقيها بيتقدم لها عرسان وتفضل تسأل عليها ، لاحظت كده فى جوزي .

هو طبعه مش بيهزر كتير او عمال علي بطال،  بس كل ما يشوفها يفضل عايز يهزر ويحلو قدامها ، مرة كنا راكبين عربية بيبص فى المرايه عليها ،  ومرة كنا ماشين لاحظت عمال يبص عليها وهي ماشيه وينكشها.

وواصلت السيدة مشكلتها قائلة: انا اختي محترمه ومش فى دماغها كده ، هي ٢٠ وهو ٣٩ يعني هي بتعتبره جوز اختها الكبيرة وبتحترمه .

بقوله من فترة دة متقدملها عريس ، اتحمق اوي وانا مش موافق وده مين ده وبلغيني اسمه وفعلا قولتله اسمه وقعد بحث علي الفيس عليه ولا كلمي اختك لسه صغيره والعريس صغير ، عشان هو معاها فى الكليه ، وهل يقدر يفتح بيت وشغال ايه وقعد استفسرات ، ويعقد كل شوية يسال.

وتابعت : برضو كنا عند اهله من فترة مرات اخوه وطت بتجيب حاجة من الارض  ، لاقيته باصص عليها من تحت لتحت اما بقيت بركز معاه الاقي بيبص من تحت لتحت ومحدش بيحس بيه ، في مقابل كده هو فعلا كويس في بيته ومحترم ولا بيشتم ولا صوته بيعلي وشايف طلبات بيته بس الموقفين دول مزعلني.

وإختتمت قائلة: انا مش بغير من اختي وواثقه فيها بس انا هو مزعلني هو انا غلط ولا صح واتعامل معاه ازاي وافتح معاه الحوار ازاي ؟»,,,

بطلى تركيز معاة وفى تصرفاتة انتى اللى دماغك شغالة ،اختى سلفتى امة لازم يجى لك التهيئات دى بلاش مشاكل وخراب بيوت ماهو شكك وكلامك دة بداية المشاكل.

متحاوليش ولا تفتحي ولا تكتبي اعملي نفسك مش شايفه عشان هيتمادي ، دي غريزه عند الرجاله واشتغلي علي نفسك واهتمي بنفسك وتجاهليه ،وهو ال هيجري وراكي ،كل ست حلوه انتى بس مش شايفه ايه الجمال ال فيكي وربنا يسعدك.



نسيم الربيع:

حاولى تغيرى من نفسك وشوفى الناقص ايه وكمليه وانتى ساكته من غير ما تحسسيه بحاجه ، طالما محترم وشايف مصلحة بيته يبقى يستاهل تغيرى من نفسك علشانه.