لأول مرة من مصر.. تفاصيل مشاركة محمد رمضان في مهرجان كوتشيلا للموسيقى
ميار الببلاوي تكشف أسرار جلوسها فى المقابر وعدم رغبتها فى الرجوع إلى منزلها
كشفت الفنانة ميار الببلاوي خلال لقائها في برنامج "قعدة ستات" من تقديم مروة صبري، عن تفاصيل أزمتها الأخيرة و ما صرحت به عن طلاقها من زوجها وزيارتها المقابر.
ماذا قالت ميار الببلاوي عن المقابر؟
وقالت ميار الببلاوي: "لما تعرضت لأزمتي الأخيرة رحت المقابر أزور أمي، وقلت لها هو أنا مين هيطبطب عليا أنا مش لاقيه حد يطبطب عليا لو سمحتي تعالي طبطبي عليا، تعالي قوليلي إني عمري ما عملت حاجة حرام في حياتي حتى من زمان من قبل ما التزم وأنا بخاف، أنا بخاف من ربنا خوف مرضي، أنا قاعدة في وسط المقابر كتير من ساعة ما الموضوع دا حصل مبقتش عايزة أرجع البيت".
وأضافت ميار الببلاوي : "والدتي توفت من سنتين، روحي راحت مني، بنت عمي دايما بتقولي "مرات عمي ماتت وإنتي ادفنتي"، أنا كنت دايما بحب الناس، لا بقيت أخرج ولا بكلم الناس أنا بعمل شغلي عشان دا أكل عيشي أنا كنت بحب أسافر بقيت عايزة أروح بس أعملها عمرة، قعادي في المقابر بقى أكتر من قعادي في البيت".
وتابعت ميار الببلاوي قائلة : "حياتي بقت هناك تقريبا كل يوم وبقولها كل حاجة عن ابني وعن إيه حصل زي ما كنت بكلمها بالظبط وحتى الشيخ قالي كده كتير ومش كويس أنا دارسه وعارفة أن غلط نروح المقار كتير إحنا بنروح للعظة".
اقرأ أيضا..
الشيخ محمد أبو بكر : سأعتذر لميار الببلاوي في هذه الحالة فقط
تعرض ميار الببلاوي لأزمة صحية
وكشفت ميار الببلاوي في تصريحات صحفية لها أنها شعرت بالأرق الشديد عند تصوير إحدى حلقات برنامجها، ما استدعاها للذهاب إلى المستشفى والخضوع للفحوصات للاطمئنان على صحتها وستخرج في الساعات المقبلة.
أزمة ميار الببلاوي والشيخ محمد أبو بكر وبسمة وهبة
يذكر أن الإعلامية ميار الببلاوي قد أثارت الجدل خلال الأيام الماضية بعد انهيارها في بث مباشر بسبب اتهامها من قبل الشيخ محمد أبو بكر بالزنا وهو ما أدخلها في حالة صعبة وذلك بعد تصريحاتها مع الإعلامية بسمة وهبة عن عودتها لزوجها بعد طلاق ١١ مرة.
كما أشارت ميار الببلاوي أنها تشعر بالندم على الظهور مع بسمة وهبة، وهو ما استدعاها للرد بفيديو عبر حسابها على إنستجرام قائلة: "احياناً في ناس بتحب تطلع على حسابي التريند وبسيبها وبطنش ولكن في مرات لازم أرد، دلوقتي أنا مجبتش كلام من عندي كل الكلام اتقال على لسانك في الحلقة ولو أنتي منزعجة من الحلقة ليه مخرجتيش يومها وعملتي البوليكة اللي عملتيها دلوقتي".
