كيف احتفلت آيتن عامر بعيد ميلادها بعد الهجوم عليها؟

تحتفل الفنانة آيتن عامر اليوم الأربعاء بعيد ميلادها، حيث قامت بنشر صورة على حسابها الرسمي بموقع انستجرام، وعلقت عليها قائلة: "كل سنة وأنا طيبة".

وبعدها انهالت عليها التعليقات للتهنئة بعيد ميلادها من زملائها بالوسط الفني من بينهم: صبا مبارك، مي سليم، محمود الليثي، منى ممدوح، سمر يسري، نرمين ماهر، إنجي وجدان، إسلام زكي، محمود عبد المغني، بسمة وهبة، هبة عبد العزيز، محمد شاهين، حمدي بدر، وغيرهم".

تعرضت آيتن عامر للانتقاد من قبل متابعيها على مواقع التواصل الاجتماعي، خاصة بعد ترويجها لفيلمها الجديد "بلوموندو"، من خلال نشر فيديو تضمن مجموعة من الصور للفيلم على حسابها الرسمي، في ظل الأحداث الراهنة.

الأمر الذي دعا أيتن عامر للخروج للخروج في فيديو للدفاع عن نفسها وزملائها الذين يقومون الترويج لأعمالهم حيث قالت: " السلام ورحمة الله وبركاته يارب تكونوا بخير، انا طالعه عشان أقولكم حاجة صغيرة كده ويارب يستوعبوها وتفهمنونا كويس انا هتكلم عن نفسي مش عن حد، أنا اسمي أيتن عامر ممثلة مصرية، اللي عايزه اقوله اننا مش بنعمل دعاية لشغلنا يعني احنا كدا نسينا القضية الأساسية وانا بقالي شهر ونص من أول الكارثة دي حصلت مش بعمل حاجة غير اني اعلن عن اللي بيحصل هناك والاكونت بتاعي كان هيتقفل بسبب الحاجات اللي بنشرها طول الوقتي".

وأضافت آيتن عامر: "وبندعمها بكل ما اوتينا من قوة،بيصعب عليا اوي لما بشوف حد مني أو من زملائنا بيعرض عن شغله والناس بتهجومه وبتعمل انفولو للصفحة بتاعته، كلنا متأثرين بس ردود افعالكم مش عارف ليه غريبه شوية، ده شغلنا وطبيعة شغلنا طب انتوا ليه بتجمونا لما بنعلن عن شغلنا أو لما بنمارس شغلنا، انا مش شايفه أن ده سبب منطقى خالص".

وتابعت: "إحنا ممكن نهاجم حد مش متابع القضية أو مش شايل هم القضية، لكن نهاجم شخص بيتكلم عن القضية وبيساندها، طب ليه بنهاجمة ليه تقول كلام مش لطيف، مقدرش أقول لحد متروحش شغلك أو متعملش واجباتك وعقودك، بس اقدر اقوله ليه متكلمتش وكمان دي مقدرش اقوله لان ده حرية شخصية، ليه واخدين موقف من الفنانين، وصعبان عليا اللي بيحصل من عائلتي الكبير، استوعبوا أن الاعلان عن اعمالنا ده شغلنا وجزء من عقودنا في العمل، كفاية كفاية هجوم، ومحدش يزايد على حد، وكل واحد فيه اللي مكفيه".