توك شو

فريدة سيف النصر تفجر مفاجأة حول مشهد الفراخ مع عادل إمام (فيديو)

الأحد 30/يوليه/2023 - 10:28 م

فريدة سيف النصر وعادل إمام

كمال الناحل

كشفت الفنانة الكبيرة فريدة سيف النصر عن العديد من أسرار حياتها الشخصية والفنية، والتي كان أبرزها تعرضها للخيانة من زوجها مع صديقتها، كما تحدثت عن رأيها في عمليات التجميل، ووجهت رسالة إلى الشباب عن مشهد الفراخ الشهير مع االزعيم عادل إمام في فيلم "مين فينا الحرامي"، وذلك عبر لقائها في برنامج "كلمة أخيرة"، مع الإعلامية لميس الحديدي.

فريدة سيف النصر: زوجي خانني مع صديقتي

وتحدثت فريدة سيف النصر عن خيانة زوجها لها مع صديقتها، وقالت: "زوجي اتعلق من بيتي وصاحبتي خطفته.. وكنت بسيبها تاكل وتشرب وأنرل أروح التصوير وأجيبلهم حاجات، وكانت من برا الوسط الفني".

وتابعت فريدة سيف النصر: "اكتشفت الخيانة من التليفون.. رفعت سماعة التليفون وسمعت كلام لا يمكن أتخيله، وهو ضربني وقال لي دي جزمتها برقبتك، وطلبت الطلاق لأني عندي عزة نفس.. وكانوا متجوزين وأنا مكنتش عارفة، ومحمد ابني وهو صغير كان بيقول لي حاجات مخدتش بالي منها".

فريدة سيف النصر ومشهد الفراخ مع عادل إمام

كما تطرقت الفنانة فريدة سيف النصر إلى مشهد الفراخ الشهير مع الفنان الكبير عادل إمام، في فيلم "مين فينا الحرامي"، الذي عرض في عام 1984، وقالت: "الشباب لسة فاكريني بمشهد الفراخ مع عادل إمام، وأنا بقولهم يا شباب أنا عديت الـ 60 سنة خلاص هو أنا هتحنط وأفضل زي ما أنا، أنا عايزه أبقى جميلة الروح، والتصرفات، وأيضا الكرم، مش عارفة ليه الناس اللى معاها فلوس كتير مش بتساعد الفقراء؟".

لسه فاكريني بمشهد الفراخ مع عادل إمام.. فريدة سيف النصر: يا شباب أنا عديت الستين خلاص هو أنا هتحنط وأفضل زي ما أنا#كلمة_أخيرة pic.twitter.com/QVrL1z64XT
— ON (@ONTVEgy) July 29, 2023

فريدة سيف النصر وعمليات التجميل

كما كشفت الفنانة فريدة سيف النصر عن رأيها في عمليات التجميل: "أنا هستفاد إيه لما أنفخ نفسي وتجيلي بعدها أمراض كتيرة، وأنا جبانة جدًا وبخاف من الحقن.. وسعيدة بظهور التجاعيد على وشي، البوتوكس بينفخ الوش وبيجيب أمراض.. البوتوكس ده معمول من نوع من سم التعابين، ومعنديش مشكلة مع الشكل لأني لما اتنفخ وأتعب بعدها هستفاد ايه ربنا خلقنا كده وهنكمل كدة".

وعن فترة حجابها، قالت فريدة سيف النصر:"أنا بخاف من الموت جدًا وجبانة جدًا، وبمجرد بشوف حيوان بيموت قدامي بيحصل لي رهبة، وأخويا مات عنده 21 سنة، ولما اتحجبت اتطلقت الطلقة التانية لأنه معجبش جوزي، ومبشفش قبر ولا بروح عزاء مش نداله مني ولكن مبقدرش، والوحيدة اللي جاتلي البيت واتحجبت بعديا علطول سوسن بدر وهي أختي في الرضاعة، وياما اتهزقت من عفاف شعيب بس رديت عليها واتصالحنا.. ومحدش قدر عليا، وقررت أخلع الحجاب لما دخلت مع ناس محجبات وعملنا محل مع بعض ومخدتش فلوس خالص منه.. وحسيت إني لازم أنزل اشتغل".