كشفت المطربة بوسي، عن شعورها بالندم على الفترة التي عملت خلالها في شارع الهرم وهي فترة مبكرة في بداية حياتها الفنية.

وقالت خلال حلولها ضيفة على برنامج "حبر سري"، الذي تقدمه الإعلامية أسما إبراهيم، ويبث عبر فضائية "القاهرة والناس": "أنا مقلتش  شغلي في شارع الهرم تنازل لكن ندمانة على الشغل في شارع الهرم، لكن الشغل ده علمني أتعامل مع الناس وخلاني عندي خبرة في التعامل".

وأضافت، " لم أكن أرغب العمل في شارع الهرم لأن هذا العمل لا يشبهني، ومكنتش بحب أشتغل في الأماكن دي لأنها مش شبهي وشفت فيها حاجات كتير ولكن كنت عيلة صغيرة وبأكل عيش".

كنت مجبرة

وتابعت: "مكنتش عايزة أستمر وكنت مجبورة على الشغل وكنت شغالة بالإكراه، واضربت عشان أنزل الشغل وتعرضت للإهانة، وبحمد ربنا إن ربنا لسه مخلي فيا عقل من اللي شوفته".

وعن طليقها قالت بوسي: "كنت بأضربه بسبب مواقف كتير علشان آخد حقي وكرامتي، وأنا مش بحب أسيب حقي وكان بيطلب مني حاجات ما ينفعش أقولها، ولما مسكته بيخوني في بيتها كان وقتها اتجوزها من ورايا".

أما عن عملها مع السبكي فقالت: "أفلام السبكي ضرتني كممثلة وكان شايفني مطربة بس وكان ممكن يستغلني أحسن من كدا.. أنا بحبه وعلى عيني وعلى راسي بس كان شايفني في حتة الأفلام التجارية وأغاني ونهذر ونضحك وما كانش شايفني ممثلة أقدر أعمل حاجة".

بوسي تكذب طليقها

يشار إلى أن المطربة بوسي، كانت قد كذبت طليقها بشأن تصريحاته حول إنفاقه الكثير من الأموال لإنتاج أغاني لها أثناء فترة زواجهما، مؤكدة أنها هي من قامت بإنفاق هذه الأموال على نفسها وعلى فنها.

وأضافت، "طليقي بيقول صرفت عليها، جيبوا صوري زمان وشوفوا منظري، ده مش منظر واحدة مصروف عليها الأرقام اللي بيقولها، أنا كنت ست وراجل البيت وصرفت وعملت كل حاجة، حتى الأغاني من فلوسي، لكن كان كاتب التنازلات باسمه ويقول من إنتاجي".

 اقرأ أيضا..

بوسي تكذب طليقها وتتهمه بالاستيلاء على أموالها (فيديو)