كشفت الفنانة اللبنانية جيهان قمري عن رأيها في أدوار الفنانة ياسمين صبري، وسبب مقارنتها بها وبالفنانة دينا الشربيني.

جاء ذلك خلال حلول جيهان ضيفة على برنامج "قعدة ستات" الذي تقدّمه الإعلامية مروة صبري على شاشة "القاهرة اليوم".

وأبدت جيهان رأيها في الفنانة ياسمين صبري، وانتقدت فيها الإكثار من نشر الصور على منصات التواصل الاجتماعي.

جيهان تنتقد ياسمين صبري

وقالت جيهان قمري: "قولت إن ياسمين صبري بتتصور كتير لأن في حاجات معينة بتبقى أوفر، ووقتها كنت بتسئل على أكتر من اسم وشفت من الناس دي كلها وأحسن حد فيهم دينا الشربيني".

وأضافت، "ياسمين صبري قمر وشكل يجنن وموديل تحفة وأيقونة، ومفيش دور شفته ليها قلت واو عليها، واللي يزعل يزعل ويتقمص، بس هي ممثلة مش جامدة".

وعن سبب ابتعاد الوسط الفني عنها قالت: "عشان أنا مش مزيفة، ومبعرفش أقول لحد انت حلو وحبيبي وأخده بالحضن، ومعرفش أقول لحد انت عامل حاجة حلوة من ورا قلبي، شخصية صريحة وبديك في وشك زي ما بيقولوا، بقالي 20 سنة في الوسط الفني عمري ما زعّلت حد، بخلّص شغلي وبمشي على طول جيهان قمري الممثلة انتهت في الاستوديو".

علاقتها بالوسط الفني

وأضافت، "أنا بتعامل على إني خارج الوسط الفني فعلاً عشان أنا براه بقالي سنين، معملتش دراما من أربع سنين، واشتغلت مسرح مع الفنان محمد صبحي من سنتين، مش عارفة ليه مبيتعرضش عليا أدوار أو المنتجين يكلّموني، وبستغرب الناس اللي بتكلمني تقولي إيه ده أنتِ هنا؟، بقولهم ما أنا هنا عايشة في مصر هكون عايشة فين".

وعن حياتها الشخصية، كشفت تفاصيل زيجتها الوحيدة التي انتهت بالطلاق، قائلة: إنها تعرضت للضرب والإهانة على يد زوجها، الذي كان يعيش في منزلها وتنفق عليه من مالها الخاص.. كانت تجربة سيئة ونادمة عليها، تجربة عملتلي حالة بلوك لأي حد في حياتي للأسف.

وأضافت، أنا من الشخصيات اللي أي حاجة توجعني أو بحس إنها تكسرني بتقويني أكتر وبتخليني أعيد حساباتي، كنت متجوزة مدني في قبرص، وأنا اللي عملت الورق كله، ولحد النهارده أنا اللي معايا الورق كله، على الورق اتجوزته 6 شهور وفي الحقيقة 3 شهور، ومطلعش راجل بمعنى الكلمة للأسف.

 اقرأ أيضا..

جيهان قمري عن طليقها: مطلعش راجل