حلت الفنانة اللبنانية جيهان قمري ضيفة على برنامج "قعدة ستات" الذي تقدّمه الإعلامية مروة صبري على شاشة "القاهرة اليوم".

 وكشفت عن سبب اختفائها وابتعادها عن التمثيل السنوات الماضية، وعروض الأعمال القليلة التي تأتيها من المنتجين.

 كما كشفت الأسباب الحقيقية لطلاقها، ورأيها في الفنانة ياسمين صبري كممثلة.

جيهان قالت: "أنا بتعامل على إني خارج الوسط الفني فعلاً عشان أنا براه بقالي سنين، معملتش دراما من أربع سنين، واشتغلت مسرح مع الفنان محمد صبحي من سنتين".

مش عارفة ليه مبيتعرض عليا أدوار

وأضافت، "مش عارفة ليه مبيتعرضش عليا أدوار أو المنتجين يكلّموني، وبستغرب الناس اللي بتكلمني تقولي إيه ده أنتِ هنا؟، بقولهم ما أنا هنا عايشة في مصر هكون عايشة فين".

وأبدت جيهان قمري رأيها في الفنانة ياسمين صبري، وانتقدت فيها الإكثار من نشر الصور على منصات التواصل قائلة: "ياسمين قمر وشكل يجنن وأيقونة.. لكن مفيش دور شفته ليها قلت واو.. هي ممثلة مش جامدة".

وعن حياتها الشخصية، كشفت تفاصيل زيجتها الوحيدة التي انتهت بالطلاق، قائلة: إنها تعرضت للضرب والإهانة على يد زوجها، الذي كان يعيش في منزلها وتنفق عليه من مالها الخاص.. كانت تجربة سيئة ونادمة عليها، تجربة عملتلي حالة بلوك لأي حد في حياتي للأسف.

زواج في قبرص

وأضافت، "أنا من الشخصيات اللي أي حاجة توجعني أو بحس إنها تكسرني بتقويني أكتر وبتخليني أعيد حساباتي، كنت متجوزة مدني في قبرص، وأنا اللي عملت الورق كله، ولحد النهارده أنا اللي معايا الورق كله، على الورق اتجوزته 6 شهور وفي الحقيقة 3 شهور، ومطلعش راجل بمعنى الكلمة للأسف.

وتابعت: "مش أول حب في حياتي بس الحب اللي خدت فيه قرار جواز في حياتي، أخدت قرار الانفصال عشان موصلش لمرحلة لا أنا أتبهدل ولا نروح أقسام ولا أيا كان اللي هيحصل، الموضوع خلص خلاص بقاله ست سنين، هو مكنش معاه فلوس اللي كان قايله غير اللي أنا اكتشفته، وحبيته سنة قبل الجواز وقربنا سوا ستة شهور.

 اقرأ أيضا..

تامر عاشور: هيفاء وهبي مبتعرفش تغني (فيديو)