وكانت محكمة مستأنف الطفل بمدينة 6 أكتوبر، أيدت في شهر مايو 2022 حكم أول درجة الصادر بحبس نانسي أيمن، الشهيرة بـ موكا حجازي لمدة عام، في قضية ممارسة الأعمال المنافية للآداب بمقابل مادي، والإعلان عن نفسها بالإغراء. 

 

وواجهت فتاة التيك توك موكا حجازي، مجموعة من الاتهامات في القضية التي أثارت العديد من ردود الأفعال في وسائل الإعلام وعلى صفحات ومواقع التواصل الاجتماعي، وأبرز تلك الاتهامات: نشر فيديوهات خادشة للحياء، ونشر مقاطع مخلة بالآداب، والتعدي على قيم الأسرة المصرية، والتحريض على الفسق والفجور.  

 

كما دلت التحقيقات مع فتاة التيك توك موكا حجازي، على أنها مارست الرذيلة بمقابل مادي وبدون مقابل، كما أدارت صفحات من خلال مواقع التواصل لتحقيق الربح والشهرة من وراء الفيديوهات التي تنشرها، كما ضبط شخص معها يساعدها على تصوير ونشر تلك الفيديوهات.  

وكانت فتاة التيك توك موكا حجازي، قد قدمت خلال التحقيقات معها، اعترافات تفصيلية حول الاتهامات المنسوبة إليها من نشر مقاطع فيديو مخلة وخادشة للحياء، بعدما واجهتها النيابة بمقاطع الفيديو التي تم تقديمها من مباحث الآداب، واعترفت موكا حجازي أنها هي من تظهر في تلك الفيديوهات. 

وقالت موكا حجازي في اعترافاتها أيضا إنها أنشأت مجموعة من الحسابات على مواقع "فيس بوك وإنستجرام وتيك توك"، إضافة إلى قناة على موقع الفيديوهات "يوتيوب" بغرض تصوير مقاطع فيديو ونشرها من خلال هذه التطبيقات، بعدما عرض عليها أحد اصدقائها الفكرة، بغرض تحقيق الربح والثراء السريع. 

كما اعترفت فتاة التيك توك موكا حجازي كذلك، بممارستها الأعمال المنافية للآداب، حيث كانت تذهب إلى منازل عدد من أصدقائها لممارسة الرذيلة معهم، أحيانا بمقابل مادي، وأحيانا أخرى بدون مقابل، "بالحب" على حد قولها خلال اعترافاتها. 

 

وكانت تحقيقات النيابة العامة، مع فتاة التيك توك موكا حجازي، شهدت اعترافات تفصيلية للمتهمة، أقرت خلالها بممارسة لأعمال المنافية للآداب أحيانًا بمقابل مادي وأحيانًا بدافع الشهوة فقط، وجاءت أقوالها في التحقيقات كالتالي.. 

س: اسمك ايه؟  

ج: نانسي أيمن صبحي السيد السن 16 سنة وشهرتي موكا حجازي.  

س: ما هي ظروف نشأتك وطبيعة عمل والديك؟  

ج: اللي حصل إن بابا وماما مطلقين من عشر سنين كان عندي خلالها ما يقرب من 6 سنين وبعدين سافرت مع بابا الجزائر، ووالدي بيشتغل تاجر ملابس وماما مديرة حضانة أهلية، وبعد الطلاق سافرت مع بابا وعشت معاه 9 سنين وبعدين رجعت عشت مع ماما.   

س: وإيه سبب رجوعك؟  

ج: زوجة بابا مكنتش حابة وجودي معاهم وبابا نزلني أعيش مع ماما، وبالفعل نزلت مصر هنا وعشت مع ماما وكانت متجوزة من راجل تاني بس ماما كانت بتعذبني ومش حابة وجودي.  

 س: كيف كان يتم تعذيبك؟  

ج: أنا كنت جايبة هدوم من الجزائر خدتها وقطعتها مني وقالت لي: "مينفعش تلبسي اللبس العريان دة هنا في مصر محدش هنا بيلبس كدة" وكانت بتحبسني في الأوضة طول ما جوزها موجود وكانت بتقولي طول ما جوزي هنا متطلعيش من أوضتك أبدًا وكانت تخليني أخدم بالبيت مكنتش تخرجني غير عشان أنضف البيت بس وكانت تضربني دايمًا أول ما أغلط.  

 س: كيف كان يتم ضربك؟  

ج: بيديها وبعصاية المقشة لما أعمل أي حاجة.  

س: ولماذا تركت المنزل؟  

ج: أنا كنت مضايقة من ماما إنها بتضربني فقلت لها أنا همشي وهسيب البيت أو هموت نفسي حتى إني مسكت الموس وعورت ذراعي فأخذتني القسم عملت إثبات حالة وبعدها تركتني وأنا مشيت.  

س: هي محاولتش توقفك؟  

ج: هي أصلًا محاولتش تمنعني وكانت عايزاني أمشي وسابتني ألم هدومي وأمشي.  

س: ومشيتي من إمتى؟  

ج: من سنة ونصف.  

 س: وروحتي على فين؟  

ج: روحت الشيخ زايد.  

س: وإيه اللي خلاكي تروحي الشيخ زايد تحديدًا؟  

ج: عشان كنت أعرف بنات صحابي اتعرفت عليهم من النت ساكنين هناك فكنت هقعد عندهم لحد ما أشوف هتصرف إزاي.  

س: روحتي فين بالظبط أول ما وصلتي الشيخ زايد؟  

ج: أول ما وصلت روحت مع مجموعة بنات كنت أعرفهم وقعدنا على كافيه واتعرفت على واحد اسمه مصطفى ولما عرف حكايتي وإني معنديش مكان أقعد فيه قالي تعالي أقعدي عندي بالبيت أنا ومراتي وروحت فعلًا معاه.  

س: مين مصطفى ده؟  

ج: ده اسمه مصطفى ساكن بالشيخ زايد سواق أوبر ومعرفش عنه حاجة تاني، وقعدت عنده ما يقرب من 7 أيام وبعد كدة مشيت من عنده عشان كان عايز يوديني دار رعاية وأنا ماكنتش عايزة أقعد بدار فمشيت.  

س: بعد كدة روحتي فين؟  

ج: مشيت روحت أكتوبر مع بنات كانوا قاعدين بشقة هما طلبة بجامعة بأكتوبر كنت قاعدة معاهم، وبعدين هما نزلوا إجازة وروحت عند بنات تانيين اتصاحبت عليهم وقعدت معاهم.   

س: اتعرفتي علي البنات دي إزاي؟  

ج: اتعرفت على كذا بنت من النت وكنا نتقابل بالكافيه ونخرج سوى واتعرفت على أصحابهم وبعد فترة ما يقرب من شهرين تلاتة تعرفت على واحد اسمه أيمن وروحت قعدت عنده بشقته فترة.   

س: وما مدى استقرارك بمكان ثابت؟   

ج: كنت في الغالب بقعد عند البنات اللي تعرفت عليهم وكانوا طلبة ولما كانوا بينزلوا إجازة مكنتش أعرف أقعد فين.  

س: وكنتي بتصرفي منين الفترة دي؟  

ج: كنت بقعد معاهم بالشقة وآكل وأشرب معاهم وخلاص.  

س: ومين أيمن ده تعرفيه منين؟  

ج: مرة كنت رايحة لصحابي وكان في شباب بيعاكسوني كانوا هيتحرشوا بيا هو شافني بالصدفة وكان بيدافع عني واتخانق معاهم ووصلني عند شقة صاحبتي اللي كنت رايحالها وإداني رقمه وقالي لو احتاجتي حاجة كلميني وأنا كلمته وقولت له معنديش مكان أقعد فيه.  

س: وإيه اللي خلاكي تتواصلي معاه؟  

ج: لأني مكانش عندي مكان أروح فيه فكلمته وقلتله إني بالشارع ومعنديش مكان أروحله فقالي تعالي أقعدي عندي كام يوم.  

س: قعدتي عنده قد إيه؟  

ج: قعدت عنده فترات مختلفة وكان ممكن أمشي وأقعد عند ناس تانيين اتعرفت عليهم وخلال الفترة دي مارست الرذيلة مع 5 أشخاص 10 مرات.   

 

وكانت الإدارة العامة لمباحث الآداب، ضبطت فتاة التيك توك موكا حجازي، بتهمة نشر مقاطع فيديو خادشة للحياء من خلال عدة تطبيقات على مواقع التواصل الاجتماعي.  

وكشفت التحريات التي باشرتها مباحث الآداب، عن أن الاسم الحقيقي لـ موكا حجازي هو نانسي أيمن، وأنها حاولت إنهاء حياتها من قبل إلا أن والدتها أنقذتها وقامت بإيداعها دور رعاية.  

ووجهت النيابة لـ موكا حجازي عدة تهم، وهي نشر مقاطع فيديو خادشة للحياء، وممارسة الدعارة، والتحريض على الفسق والفجور، كما قررت إيداعها إحدى دور الرعاية بسبب صغر سنها حيث تبلغ من العمر 16 عامًا.  ونقدم لكم من خلال موقع هير نيوز، أخبار وتقارير، صاحبة المعالى، منوعات، فن وثقافة، كلام ستات، بنات، هير فاشون، حوادث، رياضة، صحتك، مال وأعمال، توك شو، مقالات، دنيا ودين.