كلام ستات

بسبب «أعراف الزواج»| هجوم حاد على باحثة في شؤون المرأة

الخميس 09/مارس/2023 - 09:47 م

ساندي جرجس

عبرت الكاتبة والباحثة في شؤون المرأة، عبير سليمان، عن رأيها في دور الآباء فيما يخص مساعدة الأبناء من أجل الزواج، وهو ما عرضها للهجوم من العديد من رواد مواقع التواصل الاجتماعي.

بسبب أعراف الزواج

وقالت عبير سليمان: «تعالوا نحط أعراف جديدة لعام 2023، نرفع إيدينا عن ولادنا ونسبنا من المظاهر نعلمهم يتجوز في اوضة وصالة حتى لو كان أهلهم معاهم فلوس، انا ضد مساعدة الأهل للآبناء فيجب أن يرفع الأهل أيديهم عن الأولاد لازم يتزوجوا في اوضة وصالة ولازم كل الطبقات تكون مثل بعضها».

وأضافت: «لابد أن نلغي الشبكة ويعتمد كل شاب على نفسه سواء أسرته من طبقة غنية أو فقيرة، يجب أن تكون هذه عادات مجتمعنا فالأعراف أقوي من الأديان، يجب علينا كجيل واعي أن ننقذ المجتمع ونضع أعراف جديدة وتكون أعراف 2023 لجيل مدرك».

وكانت التعليقات كالآتي:

علق محمد رمضان: «لا انا ضدك.. لو فيه حد مقتدر مايساعد ولاده يسلفهم ع الاقل ويردوله المبلغ ناس كتير بتعمل كدا.. انا مش عايز كلام مرسل لا يمت للواقع بصلة .. حضرتك انزلي شوفي مرتبات الشباب والكادحين وغيرهم وغيرهم.. انتي متعرفيش تعيشي بمرتب واحد منهم في الشهر .. ازاي عايزاه يحوش ويفتح بيت ومفيش قصاد تعبه اي قيمة غير انه بالعافية بيجيب مصاريفه!!».

واضاف: «اكتر ناس مظلومة حاليا هي شباب العشرينات .. شوفي كم واحد مسافر منهم برا ومتشحطط عشان يعرف يجوز نفسه.. هو فين القرش عشان يعرف قيمته!! الشباب اللي بتشتغل وبتكدح بدون مساعدة اهاليها بتتجوز على 35 و 34 .. ودا سن البنت بتتنك فيه عشان كبير.. فاازاي مش عايزة الاهالي مايساعدوش ولادهم.. والله لو مقتدر يساعد ياستي مايساعدش ليه.. يسلفهم ع الاقل .. بعدين حضرتك مش كنتي بتتكلمي في حقوق المرأة.. اللي جابك جمب الشباب.. الله يباركلك الواحد تعبان وفيه اللي مكفيه ماتزودوش همومنا اكتر ماهي زايدة».