«محدش حاسس» كيف ترى نساء السوشيال ميديا اكتئاب ما بعد الولادة؟

تعاني الكثير من النساء من الإصابة باكتئاب ما بعد الولادة دون أن يشعر بها أحد، حيث أن هذا المرض غير مقبول للبعض في المجتمع ويعتقد البعض أن المرأة لا تعاني من شيء مرضي ولكنها فقط موهومة بذلك، ويمكن أيضا أن يوجهوا لها اللوم على مشاعر الإكتئاب والحزن بدلا من الاحتفال بالمولود.

و رصدت «هير نيوز» آراء وتفكير بعض النساء على مواقع التواصل الاجتماعي وكيف يرى كل منهم "اكتئاب ما بعد الولادة" وكيفية التعامل معه.

طرحت إحدى النساء المصابات باكتئاب ما بعد الولادة، سؤال عن الإصابة بذلك الاكتئاب وكتبت في منشور: «اتخطيتوا اكتئاب ما بعد الولادة ازاي .. احكوولى تجربتكم».

وكانت التعليقات كالآتي: 

قالت نسرين: «بفضل حاسه بخنقه اوقات بعيط كتير و اوقات مبعرفش حتى اعيط ربنا يهون علينا وعليكى بجد».

وعلقت هايدي: «لساا ف لحد دلوقتي والحمد لله محدش فاهم ولا حاسس».

بينما قالت سوما: «افرحي بمولودك وغيري من شكلك اعملي شعرك هاتي حاجه جديده افصلي حبه لنفسك هتخرجي وقبل كل شي صلي وستغفري كتير أوي».

وعلقت دعاء: «انا فى حاليا خنقه صعبه وعياط ونفسيا وحشه اوى احساس بالخوف مش بيروح والمشكله انى لوحدى بحاول اطلع منه باى طريقه اذاكر لولادى أو اكلم اخواتى ف التليفون فعلاً الغربه وحشه اوى ربنا يهون الدنيا دى علينا يارب».

وقالت أمنية: «اهم حاجه اعرفي انه اكتئاب مؤقت واطلبي الدعم من كل اللي حواليكي وصرحي بمشاعرك وكله هيعدي واي مشاعر سلبيه تجيلك اعرفي انه من الاكتئاب مش منك انتي».

وعلقت دعاء: «انا عندي اكتئاب فظيع من بعد الولاده والله اكتئاب فظيع جدا ونفسي في حل».

وقالت رحمة: «ربنا يهونها عليكي وعلي كل واحده حاسه بيه لانه احساس صعب جدا ومحدش هيفهم انتي حاسه بأيه غيرك حاولي تتخطي المرحله دي بنفسك هوني ع نفسك اكسري خوفك ع قد ماتقدري حاولي تفصلي لو ساعه واحده صدقيني هتفيدك اطلبي المساعده من ربنا الاول وبعدين اللي حوليكي هي فتره صعبه بس هتعدي وهتعيشي اجمل لحظات مع البيبي».

وعلقت أية: «بحس ان طول مااحنا جنب ناس بتحبنا وبنحبهم وفرحانين بينا مش هنحس بإكتئاب افرحي ب النونو وساعدي نفسك واطلبي م جوزك المساعده وتعدو الفتره دي سوا واخرجي بالنونو ف مكان مش زحمه عشان متتخنقيش اكتر وهي فتره وهتروح ل حالها» .