بقلم نهى الملافخ: الدبلوماسية العلمية والتقنية بين إدارة ترمب والسعودية
«رئيس شركة الرجالة المعفنة»| تعليقات السوشيال ميديا على «عزت» بـ«أزمة منتصف العمر»
الأحد 12/فبراير/2023 - 09:58 م
ساندي جرجس
أثار مسلسل «أزمة منتصف العمر» جدلا واسعا على مواقع التواصل الاجتماعي خلال الفترة الأخيرة، حيث يرى البعض أنه مسلسل يخدش حياء الأسر المصرية مع التعليقات على بعض أدوار الممثلين المشاركين فيه، وخاصة شخصية "عزت"، والتي أداها الفنان رشدي الشامي.
وعلق محمود ساخرا على المسلسل بشكل عام: «أنا خايف في آخر حلقه يطلع عزت حامل من عمر»
وقالت زينب: «طيب ما عزت مريض سكر أصلا مش محتاج يعمل عملية عشان يبقى عقيم! المرض هيأثر عليه مع تقدمه في السن باعتبار انه في الستينات من عمره .. مفيش منطق في اي حاجة في المسلسل ده».
مسلسل قذر
وقالت منال: «مسلسل قذر وينافض أخلاقنا وقيمنا الدينية و يتنافى حتى مع الفطرة السليمة أصبح الفن للأسف رسالة هابطة تنشر الفسق والفجور والخيانة والزنا، الله يرحم ايام الفن اللي كنا نتعلم مثله مثل المدارس الاخلاق والقيم وحب الوطن والمبادئ».
ولكن أعجب الكثيرون بشخصية عزت في المسلسل وعلقوا عليها في منشورات متعددة على موقع "فيس بوك"، ومنها:
إنسان توكسيك
قالت شيرين في منشور: «هو ليه ماحدش جاب سيرة الإنسان دا في مسلسل أزمة منتصف العمر بتقولوا على كريم فهمي توكسيك طيب تعالوا بصوا وشوفوا عزت القلة دا الشبر ونص عمل إيه. إتجوز مراته فيروز وهي لسه عيلة صغيرة وخلاها تربي بنته من ست تانيه وخبى على بنته إن أمها ماتت وقالها إن فيروز هي امها .إتجوز اكتر من خمسين مرة عليها .اخر جوازة اتجوزها كانت أنتيمة بنته اللي اصغر منه بتلاتين سنة ..عمل عملية عشان مايخلفش تاني بعد ماخلف بنته وضحك على مراته وقالها إنها هي اللي مش بتخلف وحرمها تكون أم وحرم بنته إنه يكون لها أخ».
رئيس مجلس إدارة شركة الرجالة المعفنة
وأضافت: «بيعامل مراته معاملة زي الزفت لدرجة إنه بقاله تلات سنين مالمسهاش .. لحد ما جاب لها إكتئاب وانطفت ودبلت ووشها ملاه التجاعيد من الحزن . سرق ورث أخته وحرم إبن أخته من فلوس أمه متعدد العلاقات النسائية ومقرف وغدار ونسونجي عزت دا "رئيس مجلس إدارة شركة الرجالة المعفنة"، يعني المادة الخام اللي صنعوا منها القذارة بس دا من نوع التوكسيك السهون اللي لدغته والقبر بيضرب من تحت لتحت من غير ما حد يحس بيه تحية كبيرة للفنان رشدي الشامي لأنه بجد عمل الدور ب إتقان وجدارة».
وكانت التعليقات تعبر عن إعجاب المشاهدين لدور عزت وتمثيل الفنان رشدي الشامي، وقال محمد: «حقيقي ممثل تقيل وعنده طاقة يقدر يقدم ادوار متنوعة بالتوفيق ان شاء الله».
وعلقت برلنتي: «احنا عندنا ممثل تقيل جدا عامل عظمه في مسلسل ازمه في منتصف العمر الفنان القدير رشدي الشامي شابوه يا أستاذ».
