توك شو

ميسرة تكشف سر عدم زواجها حتي الآن (فيديو)

الجمعة 06/يناير/2023 - 01:16 م

الفنانة ميسرة

بسمة خالد

كشفت الفنانة ميسرة عن سر عدم زواجها حتي الآن، وإمكانية زواجها من رجل متزوج وذلك خلال لقائها ببرنامج نص الكلام مع الإعلامية راغدة شلهوب عبر قناة النهار .

سر عدم زواج ميسرة

وتجحدثت الفنانة ميسرة عن سر عدم زواجها حتي الآن قائلة ً " أنا ما اتجوزتش لحد دلوقتِ علشان معظم الرجالة عندهم انفصام في الشخصية، يعني يقبلوا على نفسهم ما لا يقبلوه لزوجاتهم، وأنا بحب الطبيعية في التصرفات يعني لو عايز تهزر معايا تهزر قدام مراتك بدون خوف من مراتك".

واسترسلت حديثها " أنا ما بحبش الراجل يبقى قدام مراته حاجة وبرة حاجة تانية، أنا بحب الراجل يبقى بطبيعته والراجل اللي بيخالف القاعدة دي أنا بتجنبه".

وعن إمكانية زواجها من رجل متزوج قالت الفنانة " أنا ممكن أتجوز واحد متجوز لو حبيته واقتنعت به واتأكدت إن زوجته مقصرة معاه، ولازم أسأل مراته وآخد موافقتها لأني مش هتجوز من وراها "

وأضافت "وممكن أتجوز راجل متجوز برضو لما أعرف إن مراته عندها مشاغل في حياتها مش قادرة تملا حياته بما يكفيه أو يكون تفكيرها وحياتها وصلت لمرحلة التشبع مع الراجل والاكتفاء بولادها "

ميسرة وعمليات التجميل

جدير بالذكر ، أن الفنانة ميسرة قد تحدثت في وقت سابق عن حقيقة تشوه وجهها بسبب عمليات التجميل فقالت "كنت عاملة مكياج دور واحدة عندها 70 سنة في عمل فني ويوتيوبر أخد الصورة، وقال شوفوا هي حصلها إيه بعد عمليات التجميل لكن أنا كنت كويسة ومحصليش تشوه".

كما كشفت عن عمليات التجميل التي خضعت لها فقالت "وشي رفيع وكنت عايزة أعمل خدود، فحصلي تسمم في وشي ومكنش خطأ الطبيب، بعدها فضلت أتعالج منه سنة كاملة، والعملية الثانية كانت في مناخيري بسبب إنها مرفوعة وروجت لدكتور دمرلهالي، ورفعت قضية عليه لكن بسبب الثورة نسيتها، وروحت سويسرا أتعالج عشان أقدر أرجعها تاني".