بالتعاون مع التضامن.. الهلال الأحمر المصري يواصل فعاليات مبادرة «بإيديك تنقذى حياة»
بعد المطالبة بإقالته.. عفروتو ومروان موسى يدافعان عن مصطفى كامل
الإثنين 31/أكتوبر/2022 - 10:24 م
نور أحمد
حرص مطربا الراب، عفروتو ومروان موسى، على توجيه رسالة خاصة إلى جمهورهما، بعد الحملة التي دشنها البعض للمطالبة بإقالة مصطفى كامل نقيب المهن الموسيقية.
وظهر عفروتو في فيديو عبر ستوري حسابه على Instagram مؤكدا انتهاء أزمة وقفه وتغريمه من قبل نقابة الموسيقيين، قائلًا: "شكرا للأستاذ مصطفى كامل نقيب الموسيقيين، أقسم بالله الموضوع كان سوء تفاهم يا جدعان، الرجل فهم مننا كل حاجة وتقبل حاجات كتير أوي".
وتابع عفروتو: "حابب بس أقول شكرا لأي حد دعمني، وخلاص لو كنت عايزني أرجع أو أي حد غيري يرجع، إحنا رجعنا الحمدلله، محدش بقى يكتب شتايم وحاجات كده عشان ماتوقفش تاني".
ومن جانبه قال مروان موسى في فيديو نشره عبر ستوري Instagram، وأكد على نفس الرسالة التي وجهها لهم عفروتو، قائلا: "كل حاجة اتظبطت والكلام متصور، يعني مفيش مشاكل، يا ريت من ناحية الفانز بتوعنا إهدوا شوية على السوشيال ميديا، بلاش نشتم أو نقول حاجات غلط، الدنيا اتظبطت وكل حاجة بقت تمام".
وأطلق مجموعة من محبي موسيقى الراب، صباح اليوم، حملة عبر Twitter للمطالبة بإقالة الفنان مصطفى كامل نقيب المهن الموسيقية، وجاءت تلك الحملة ردا على قرار نقابة المهن الموسيقية بتغريم مروان بابلو 50 ألف جنيه بعد إلقائه الميكروفون ومغادرة المسرح في حفله الأخير، ووقف وتغريم عفروتو 20 ألف جنيه بسبب غنائه باستخدام فلاشة.
وفي ذات السياق أعلن الفنان مصطفى كامل نقيب الموسيقيين، قرارات جديدة بشأن مطربي الراب، لتقنين أوضاعهم داخل النقابة.
وقال مصطفى كامل في مؤتمر صحفي خاص بشعبة الراب، إن كل مطرب ينتمي لشعبة الراب سيظهر على المسرح وهو مصطحب 6 أفراد من الفرقة الموسيقية، والتي تنتمي إلى النوع الغربي، ومن يخالف ذلك سيعرض نفسه للعقاب.
وتابع مصطفى كامل: "ويكون رفقة مطرب الراب العديد من الآلات الموسيقية مثل كيبورد ودرامز وجيتار ومؤثرات صوتية وجيتار اسباني، بالإضافة إلى عازفين غربيين".
وأردف: "لا هتلعبوا رق ولا قانون ولا عود، لازم نحافظ إن مش يبقى فيه بطالة لعنصر فرقة الموسيقي وتراك اللي بتغنوا فيه يوجد فيه كام عنصر يحتاج فرق تشتغل زي عازف الجيتار".
وأكمل نقيب المهن الموسيقية: "السماح بالعمل كما هو عليه لمن قام بعمل بروفات على شكل جديد عندكم فرصة 1/11 حتى 1/12 عشان تكونوا فرقة موسيقية حتى توقعوا على الإقرار".
