بملعقة واحدة.. 6 فوائد للعسل تحدث في جسمك لن تصدقيها.. ما هي؟
قرارات جديدة من مصطفى كامل لتقنين أوضاع مطربي الراب
الإثنين 31/أكتوبر/2022 - 08:29 م
نور أحمد
أعلن الفنان مصطفى كامل نقيب الموسيقيين، قرارات جديدة بشأن مطربي الراب، لتقنين أوضاعهم داخل النقابة.
وقال مصطفى كامل في مؤتمر صحفي خاص بشعبة الراب، إن كل مطرب ينتمي لشعبة الراب سيظهر على المسرح وهو مصطحب 6 أفراد من الفرقة الموسيقية، والتي تنتمي إلى النوع الغربي، ومن يخالف ذلك سيعرض نفسه للعقاب.
وتابع مصطفى كامل: "ويكون رفقة مطرب الراب العديد من الآلات الموسيقية مثل كيبورد ودرامز وجيتار ومؤثرات صوتية وجيتار اسباني، بالإضافة إلى عازفين غربيين".
وأردف: "لا هتلعبوا رق ولا قانون ولا عود، لازم نحافظ إن مش يبقى فيه بطالة لعنصر فرقة الموسيقي وتراك اللي بتغنوا فيه يوجد فيه كام عنصر يحتاج فرق تشتغل زي عازف الجيتار".
وأكمل نقيب المهن الموسيقية: "السماح بالعمل كما هو عليه لمن قام بعمل بروفات على شكل جديد عندكم فرصة 1/11 حتى 1/12 عشان تكونوا فرقة موسيقية حتى توقعوا على الإقرار".
وعن مطربي الراب قال مصطفى كامل: "مطربو الراب ولادنا وأخواتنا الصغيرين وبنحتويهم وهما وافقوا على الالتزام بالضوابط والمعايير لـ كلمات الأغاني وهما شباب زي الفل وأنا لو مش بسمع راب دا لا يمنع أنها شعبة موجودة زي ما فيه ناس مش بتسمعنا ولا بيسمعوا سيدة الغناء العربي ولولا اختلاف الآراء لبارت السلع".
وأكمل: "عفروتو غرامته محددة لأنه كسر قواعد النقابة وأنا أتأكدت إمبارح أنه لم يُخطر للحضور أما بالنسبة لغرامة مروان بابلو هتفضل زي ما هي لأنه لازم يحترم المسرح وفيه ناس كتير من مطربي الراب بره البلد وربنا يرجعهم بالسلامة وأول ما يرجعوا هيمضوا على الإقرار، وهما ولادنا وفوق راسنا وده بيتهم حتى بعد ما أرحل من النقابة".
اقرأ أيضًا..
