دعاء فاروق ردًّا على هجوم المتابعين: "قرفت من معايرتي بمرض جوزي"

خرجت الإعلامية دعاء فاروق عن صمتها وعبرت عن استيائها من معايرة متابعيها بمرض زوحها عبر حسابها على موقع "فيس بوك". 

فتحت إحدى المتابعات النار على الإعلامية دعاء فاروق بسبب نشرها صورًا لها مع الفنانين، مطالبة إياها بأن تكتفي بتقديم البرامج الدينية خاصًة وأن زوجها مريض كاتبةً لها: "اتقي الله وخليكي أنتِ ودعاء عامر في البرامج الدينية، هوا أنتم جرالكم إيه مبتتعظوش من حاجة، اتقوا الله كل يوم تتصور مع فنانين وتطلعوا على الشاشة، توعظونا، شوفو نفسكم الأول أنتِ زوجك تعبان يا شيخة، حرام عليكي قرفتونا والله".

لترد دعاء فاروق على هذا الكلام، قائلة: "والله العظيم أنا اللي قرفت من الناس البايخة اللي بتعايرني، وبتستخدم مرض جوزي المحترم بطريقة مش مقبولة، عند أول صورة شغل أنزلها.. اتقي الله يا شيخة، وارحمونا بقى من كم التنظير اللي علينا".

وتابعت: "ارحمونا وارحموا نفسكم، اتقي الله أنتِ، اتقي الله اتقوا الله في كم التنمر، والكلام الصعب اللي بتعلقوا بيه عند الناس، اللي لا أذوكم ولا ضايقوكم ولا عملوا أي حاجة غير إننا بنشتغل.. ارحمونا بقى امشوا من الصفحات بتاعتنا، امشوا بقى بدل السم اللي بتبخوه، كلامكم زي السم استغفر الله العظيم من كل ذنب عظيم".

وكانت الإعلامية دعاء فاروق تستغيث لمرض زوجها كاتبة: "مضطرة لأول مرة أستغيث، جوزي بينزف نزيف شديد وأنا في طوارئ مستشفى زايد التخصصي حد يلحقني".

ثم عادت ونشرت الإعلامية دعاء فاروق منشورًا جديدًا، وكتبت: "شكرًا للجميع تم الاتصال بنا من مكتب رئاسة الوزراء، شكرًا لكل الناس الطيبة اللي جت وعاوزة تتبرع بالدم جزاكم الله خيرًا بس مفيش احتياج للدم حاليًّا، شكرًا للجميع ولمشاعركم الطيبة دخلنا المستشفى ويتم عمل اللازم وبعتذر عن منع الزيارة شكرًا للجميع".