«الست غير ملزمة» يُشعل الغضب.. الرجال يهاجمون: خليها عند أبوها

أشعل تريند «الست غير ملزمة» مواقع التواصل الاجتماعي خلال الأيام الماضية، حيث واجهت بعض النساء موجة من الانتقادات والسخرية من الرجال بسبب نشر عبارات تدل على أن المرأة غير ملزمة بالعديد من المهام المنزلية أو الحقوق الزوجية أو مسؤولياتها كأم.

كتب عبد الفتاح في منشور: «لو الست مش ملزمة تأكّل ولا تخدم ولا ترضّع، فالراجل ممكن يتجوزها ليه؟، يعني إيه الحاجة الضرورية جدًا اللي تخلي الواحد يتجوزها؟ ما حدّش يقولي العيال.. لأن اللي زي دي خلفتها هتكون عار زيها.. إنما لما نقول ما فيش في الشرع ما يُلزم الراجل إنه يعرّف زوجته بإنه هيتجوز عليها، تجروا جري علشان تعملوا قانون يلزمه، عارفين ليه؟ لأنكم مش أصحاب شرع.. إنتم أصحاب هوى اللي يوافق هواكم من الشرع تمسكوا فيه.. واللي يخالف هواكم تفصّلوا له قانون يوافق هواكم، أفرأيت من اتخذ إلهه هواه وأضله اللهُ على علم". كل واحدة غير ملزمة؛ هي واحدة غير مناسبة للزواج، وربنا يكرمها وتفضل غير ملزمة في بيت أبوها طول العمر إن شاء الله».

بينما علقت الدكتورة نهى: «الست غير ملزمة بخدمة الزوج، الزوج غير ملزم بعلاج زوجته.. إلخ سمعتوا عن آيه في القرآن بتقول ((ولاتنسوا الفضل بينكم)) سمعتوها طيب تفقدوا معناها كدا الفضل ده اللي هو تخطي إني أقف لك عالواحدة وأعاملك بالند الحب والمودة والسكن لو اتوجدوا الواحدة بتدي عنيها لجوزها والرجل بيشيل مراته فوق دماغه، طب تعرفوا الآيه دي: وَمِنْ ءَايَٰتِهِۦٓ أَنْ خَلَقَ لَكُم مِّنْ أَنفُسِكُمْ أَزْوَٰجًا لِّتَسْكُنُوٓاْ إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚسكن … الجواز سكن ومودة ورحمة يعني يشمل كل معاني الإنسانية خليكوا انتم يااللي فاكرينها حرب اهروا كل يوم في حاجة شكل الزوج المحترم (ذو الدين) رزق عظيم والزوجة الصالحة خير متاع».

كما علق توفيق: «التريندات وما أقذرها من كلمات لها أقوي الأثر في تدمير المجتمعات، الست غير ملزمة إنها ترضع أبنائها ولا ملزمة أنها تخدم زوجها ولا ملزمة تبر أهله، اوك محدش معترض على التريند بس الست اللي مقتنعة بكده حضرتك هو كرجل مش ملزم إنه يتجوزك ويشارك معاكي حياته استمتعي بكونك strong independent woman وسيبوا الست المصرية في حالها اللي أهم أمنيات حياتها إنها تعيش حياه هادئة وسعيدة مع زوج وأولاد تقوم برعايتهم في جو أسري سليم بلاش تخلف وانسياق وراء افكار غير موجودة حتي في دول الغرب المتقدم».