فن وثقافة

ياسمين عز تُهاجم ضحية «العنف الأسري» بدكرنس: إزاي تعملي محضر في أبوكي؟

الجمعة 02/سبتمبر/2022 - 11:11 م

بسمة خالد

كشفت الإعلامية ياسمين عز، عن رأيها في واقعة فتاة دكرنس في برنامجها "كلام الناس" الذي تقدمه عبر قناة mbc مصر وأعربت عن انزعاجها من رد فعل الفتاة التي اشتهرت قصتها على السوشيال ميديا بعدما أكدت تعرضها للعنف الأسري من قبل أسرتها.

ياسمين توضح رأيها في فتاة دكرنس

وأوضحت ياسمين عز خلال البرنامج، كاشفة عن تفاصيل الواقعة قائلة: "الأب كان خايف على بنته، بنته اتأخرت برة بيتها وبيرن عليها مش لاقيها وفجأة تيجي، كمان إن بنت تشهر بوالدها؟، السوشيال ميديا بقت مريبة وأسرار البيوت بقت على المشاع.. حتى المشاهير بقت تعمل كده فالناس بقوا يقلدوهم".

وتابعت كلامها: "مش طبيعي إن بنت تقفل تليفونها وتغيب يوم كامل متردش على أبوها وتيجي بالليل بدون مبرر وميكونش فيه رد فعل، رد فعل الأب وإن كان غلط إنه يضربك فتشهري بيه على السوشيال ميديا؟ ازاي.. إحنا وصلنا لزمن إن بنت تعمل لباباها محضر؟ مفيش حد مهما حصل يعمل كدة في أبوه ومش ببرر العنف ولكن عاداتنا وتقاليدنا لو الأب عاقب إبنه ميوصلش لمحضر".

منشور فتاة دكرنس

أما عن منشور فتاة دكرنس فكتبت: "يا جماعة أنا بتعرض لعنف أسري من أهلي أخدت تليفوني منهم بالعافية ودخلت أوضتي وقفلت على نفسي، اللي يقدر يساعدني أرجوكم اسمي ريهام عنواني محافظة الدقهلية مركز دكرنس دموه الشيخ على شارع مسجد الرحمن".

وأضافت: "حد يجيلي البيت يلحقني بموت، الحقوني حد يجي يخرجني من هنا أنا بموت".

وانقسمت ردود الأفعال حول الفتاة ووالدها بين مؤيد ومعارض للتصرف مما أدت إلى إشعال السوشيال ميديا حولها.

رأيها في تريندات المرأة

كما عبرت ياسمين عز عن رأيها في الأشخاص المهتمين بحقوق المرأة والزوجات كثيراً قائلة: "الناس بقالها كام يوم بيتكلموا عن تصريحات وتريندات غريبة والحقيقة عمرنا ما سمعنا عنها قبل كده ولا أهالينا.. ما تسيبوا الستات في حالهم يا جماعة، سيبوهم يشوفوا بيوتهم وياخدوا بالهم من أجوازهم وولادهم هما مضايقينكم في إيه؟.. لو الأم مش هي اللي ربت وطبخت وذاكرت واهتمت ببيتها وولادها أمال مين المفروض يعمل كده؟".

اقرأ أيضًا..