مشكلة جديدة تواجه جمهور محمد رمضان في حفله القادم في العلمين

استجاب الفنان محمد رمضان لشكاوي الجمهور، بشأن حجز تذاكر حفله القادم بمدينة العلمين الجديدة، والمقرر إقامته بعد غد. 

حيث جاءت الشكوي من أحد الجماهير وشاركها عبر حسابه على موقع التواصل الاجتماعي "فيسبوك" معبراً: "تجربة سيئة حصلت دلوقتي مع تيكيتس مارشيه وحفلة محمد رمضان في مول North Square في العلمين الجديدة من تنظيم Ocho events".

وتابع كلامه "دلوقتي أنا حجزت لناس صحابي تذاكر الحفلة أون لاين وروحت دفعت واشترتها بنفسي من ستيلا في الساحل من منقوشة منفذ بيع تيكيتس مارشيه في الساحل يوم الجمعة اللي فاتت، النهاردة تيكتس مارشيه بيكلموني قبل الحفلة بيوم يقولولي معلش أصل إحنا اتخانقنا مع مش عارف مين ومقموصين من رمضان ومنظمين الحفلة وحضرتك تيجي الميرغني ترجع التذاكر وتاخد فلوسك، مع العلم الحضور جاي من برة مصر والتذاكر في العلمين الجديدة اصلا والحفلة اصلا بعد بكرة، والتذاكر اتنقل بيعها لفوري وتيكتس مول وده شيء ميخصنيش، فأنا بحذركم جميعا لو مشكلتي متحلتش في خلال ساعة هروح مكان الحفلة وهاخد نفس الترابيزة هي هي لأني دافع فلوسها".

واختتم كلامه قائلاً: "مش مشكلتي إن محمد رمضان نزل ستوري هاجمكم فيها أو منظمين الحفلة مش مسيطرين أنا جايب لناس تذاكر واسم المعلم أحمد كوتي مش هينفع يتهز في سوق الحفلات بسبب تيكيتس مارشيه وعيب شغل الكومبارسات ده".

وقام محمد رمضان بمشاركة هذا المنشور عبر حسابه الشخص على الفيسبوك معلقًا: "عامل حفلة نبسط بيها الناس مش نكدرهم.. بوعدك يا أحمد الشركة المنظمة هتبعتلك وهتحل مشكلتك".

واختتم كلامه: "وللعلم اتعرض عليهم من الشركة المنظمة نقل التذاكر اللي اتحجزت من خلالهم إلى شركة (فوري) مقابل خصم نسبتهم بنفس الفئة ونفس السعر، ولكنهم رفضوا وبلغوا الناس بإلغاء الحفل مع إن الحفلة في ميعادها الجمعة القادمة إن شاء الله، ملحوظة تم نفاذ تذاكر الـ vip".