مي حلمي: ليس عندي حبيب.. وأصبحت مذيعة «بروفيشينال»

شاركت مي حلمي الجمهور، بفقرة أسئلة عبر موقع التواصل الاجتماعي وتبادل الصور "إنستجرام" من خلال خاصية الاستوري، حيث سألها الجمهور عن حالتها العاطفية ولكنها رفضت مشاركتهم هذه الخصوصية قائلةً: "ماعنديش حبيب"، و"أعتقد أنا حرة في أي حاجة، مش حب وجواز بس، في أي قرار في حياتي عموما".

وحين سألتها إحدى المتابعات عن رجل الأعمال المرتبطة به حالياً والتي سبقت الكلام عنه قبل ذلك ردت مي قائلةً: "وإنتي مالك سيبته اتجوزته بحبه ما بحبوش أقول عليه خطيب حبيب أنا حرة حد ليه عندي حاجة؟".

وعندما ردت الأخرى عليها مستنكرة أن مي تشاركهم كل شيء عن حياتها الشخصية ردت مي: "في فرق، أنا بشارك اللي عايزة أوريهولكم فقط، وغالبا بشارككم الحياة الترفيهية.. وبشارككم الإعلانات اللي بعملها أكتر عشان يجيلي إعلانات أكتر، يعني الخلاصة كلها شغل اللي بتعرفوه".

وسألها أحد المتابعين عن عدم إقامتها كثيرا في مصر ردت قائلة: "هو أنا مبروحش دبي فسحة، أنا يعتبر عايشة هناك، بحبها مالهاش علاقة بدل ما أروح دبي أروح الساحل، أنا قررت أعيش هناك زي أي حد بيقرر يعيش في بلد تانية، وأنا قررت أعيش هنا وهناك بين مصر ودبي بس قريباً هبقى عايشة في بلد تالتة خالص".

أما عن حياتها المهنية وتشجيع الأهلي فردت: "بقيت فاهمة فنيا أكتر من زمان، وده حق شغلي عليه، الشغل مالوش علاقة بالتشجيع".

وأكملت: "التشجيع ده وأنا حاضرة الماتش، مش وأنا مذيعة، يعني بقيت بروفيشنال أكتر".