أكرم حسني يرد على الانتقادات الموجهة له عن سرقة كلمات أغنية «للي»

اتهم الشاعر عادل صابر الفنان أكرم حسني بسرقة كلمات أغنية "للي" والتي تعاون فيها مع الكينج محمد منير واتخذ الإجراءات القانونية ضده وقال أن القضية ستطرح قريباً أمام المحكمة للحسم في الأمر حيث تولى القضية مكتب المحامي أدهم العبودى دون تجريح أو هجوم عليه حسب قوله ليرد أكرم حسني عبر موقع التواصل الاجتماعي "الفيسبوك قائلاً: "قريت من شوية بوست بيتهمني بسرقة كلمات أغنية " للي " من شاعر من جنوب مصر الحبيب وبعدها اكتر من صحفي كلمني بيطلب مني رد على الاتهام ده .. فخلوني أوضح كذا نقطة :

١ - كل الحب والاحترام والتقدير لكل موهبة فنية بتقدم فن يحترم الجمهور وجنوب مصر خرجلنا شعراء وأدباء كتير على رأسهم الخال الأبنودي رحمة الله عليه.

 

٢ - أؤمن بحقوق الملكية الفكرية كما أؤمن بأن السرقة الفنية تصنع نجاحًا مؤقتًا. 

٣ - تشابه جملة من  الأغنية التي تتكون من ١٢ بيت مع جملة للشاعر لا يعني السرقة وإنما توارد الأفكار أمر طبيعي. 

٤ - لما كتبت الأغنية كانت مكونة من ٢٠ بيتا اختار منهم الكينج ١٢ بيتا وتم تسجيلهم فمعتقدتش اللي كتب ٢٠ بيتا هتقف معاه في جملة عشان يسرقها.

٥ - أنا بكتب أغاني بقالي اكتر من ٨ سنين من خلال برامج ومسلسلات وأعمال فنية قدمتها وكنت على سبيل المثال في أغاني برنامج أبو حفيظة قبل ما بستخدم لحن أي أغنية في البرنامج برجع لجميع المؤلفين والملحنين واسدد الرسوم حفاظا لأصحاب حقوق الملكية الفكرية.. ف اللي يعمل كده بيتهيألي صعب يحط نفسه في موقف زي ده. 

٦- أنا مهنتي الأساسية ممثل وبحب صناعة الأغاني من باب الهواية ف انا مش محتاج أسرق عشان اعمل رصيد لنفسي كشاعر .. انا بعمل ده بحب.

٧ - و أخيرا .. أنا كتبت البوست ده مش دفاعا عن نفسي ولكن لاحترامي للجمهور المحترم اللي بيثق فيا ف حبيت أوضح له. 

سألته هل داء الولع كان الجواب صدّه

ساق الدلال ساق الدلع مفاتيح هواه صدّوا

ومشيت أوشوش في الودع ولا جاني ليه ردّه

اللي فتح باب الوجع واجب عليه ردّه

يالا و يا لالا و يا لالا يالا و يالا للي

يالا و يا لالا و يا لالا يالا و يالا لِلّي

يالا و يا لالا و يا لالا يالا و يالا لِلّي

بعيونه بضرب ميت مثل أول ما بيطلّوا

دَوقّته من طعم الغَزَل دوقّني من ذلّه

وبحبه أنا مهما حصل طب مين بقي يقولّه

ماهو لو حبيبك كان عسل

متخلّصوش كلّه

يالا و يا لالا و يا لالا يالا و يالا لِلّي

يالا و يا لالا و يا لالا يالا و يالا لِلّي

يالا و يا لالا و يا لالا يالا و يالا لِلّي

كانت نار تقيد من لمس إيد من حضن من ضَمّه

وإن راح بعيد النار تزيد وأصرخ وأقول يامّه

الروح تروح وأنين ونوح ومافوقش غير لمّا

يرجع أوام ده عليه قوام حواليه بنترمّي

سألته هل داء الولع كان الجواب صدّه

ساق الدلال ساق الدلع مفاتيح هواه صدّوا

ومشيت أوشوش في الودع ولا جاني ليه ردّه

اللي فتح باب الوجع واجب عليه ردّه

صَنـــْف الطــحــــين يتعــــرف ويبـــــان مــن ردُّه

وان كــــان ســــؤالك قبـيــح حــيـبـــان مـــن ردُّه

كُـــــل البــــلايــــا لابــــُد يكــــون لهـــا أسبــاب

واللى فـــتَح بــاب خراب... واجــب عليـــه ردُّه