تعددت حالات الانفصال في وقتنا الحالي، ولكن الانفصال قبل الزواج بأسبوع هو موضوع غريب بعض الشيء؛ حيث عبرت إحدي الفتيات عن حدوث ذلك لها، قائلةً: "أنا اتسابت قبل فرحي بأسبوع واتقالي إني صعب حد يحبني".. لتأتي التعليقات حزينة وداعية للفتاة بالعوض.

فقالت إحداهن:

"عشان شخص مش سوي وأكيد إنه معقد أو مريض أو كان في بلاوي هتظهرك مدام مظلمتيش حقك هييجي متزعليش ربنا يعوضك بالأحسن يا رب الحمد لله إنها جت بدري متعرفيش إيه كان هييجي لسو والله".

وردت الأخرى: 

"صدقيني على أد الوجع على أد العوض والفرج.. 

ربنا مش بيعمل حاجة وحشة أنا واثقة إنك بعد فترة ومش طويلة هتكتبي بوست تحكي أد إيه العوض جميل.. 

ادعي بس إن ربنا يهون عليكي الفتره دي وتعدي على خير".

اقرأ أيضًا..

«جسم مراتي مش عاجبني وعايز أتجوز تاني» والتعليقات: «وأنت مواصفاتك إيه يا توم كروز»

وعلقت أخرى قائلة:

"يا بنتي ده حب من ربنا ليكي إنه بينلك الحثالة دي على حقيقتها وأصلا كل الي قاله ده انعكاس على نفسه هو اللي أكيد ميتحبش ولا يطاق ولا يتعاشر وربنا هيكسر بنفسه متقلقيش والله انت جميلة وأكيد تتحبي".

وذكرت آية:

"أكيد ده خير ليكي وهتعرفي ده بعدين، فيه بنات بتتجوز وبيعرفوا ده بعدين وبيتصدموا الحمد لله على كل حال".

اقرأ أيضًا..

شكوى امرأة: «جوزي خطب واحدة تانية مطلقة».. والتعليقات: « حرب على راجل ميستاهلش»

وقالت لها حبيبة: 

"احمدي ربنا إنك مكملتيش مع عيل متزعليش خليكي واثقة إنك أجمل وأحسن حد في الدنيا وثقي ربنا هيعوضك باللي يستاهلك".

وذكرت أخرى في تعليق لها:

"احمدي ربنا وبوسي إيديك وش وضهر إن ربنا كشفهولك قبل الجواز أحسن ما كنتِ تنجوزي ويكون في ما بينكم أولاد ويبقى الوضع أصعب آه الموقف وحش وصعب بس كان هيبقى أصعب صدقيني لو اتجوزتي واتخدعتي فيه الحمدلله على كل حال وانسي وربنا يعوض عليكي بالأحسن، ومفيش حد في الدنيا ميتحبش كل واحد وربنا خلق ليه قلب شبهه يحبه ويكون من نصيبه، ربنا يبعتلك نصيبك اللي يسعدك ويعوضك خير".