شكوى امرأة على "فيس بوك": «أخو جوزي ضربني وأمي حبسته اعمل ايه؟!»

كتبت إحدى النساء شكوتها على موقع التواصل الاجتماعي "فيس بوك" لتحصل على آراء الآخرين فيما قامت والدتها بفعله لتأخذ حقها من شقيق زوجها الذي قام بضربها ضربا مبرحا، وطلبت النصيحة هل تعود لزوجها أم تطلب الطلاق!؟.

وقالت الزوجة في منشورها: «كنت بتخانق أنا وسلفتى جه جوزها ضربنا احنا الاتنين بس انا أكتر شويه وجرجرني من شعري ع السلالم وهدومي اترفعت وهو مهمهوش ده غير كمان كل جسمى ازرق من الضرب ، ولما جوزي جه لاقاني متبهدله مش قادره اقوم من مكانى لاني كنت مستنياه اشوفه هيعمل ايه قالي معلش ده اخويا ومقدرش اقف قصاده ولا اخسره اعتبريه اخوكي قولتله أنا جسمى اتعري قدامهم قالي معلش» 

وتابعت: « نزلت من غير هو ما يعرف روحت لأمى أمي اتصدمت من منظري واخدتنى على قسم الشرطه وعملت في سلفي محضر تعدى ومحاولة اغتصاب لأن كان فيه اثار ضرب بين فخادى مكان الرجول بتاعته هو ومراته وكمان دراعي طلع فيه كسر وامي حالفه تسجن سلفي وتطلقنى من جوزى واخدت منى ابنى ورامتهوله وقالتله بنتى مكنتش جايه بيه وحبسوا سلفي الناس مغلطه امي وبتقولها بتخربي على بنتك اتنازلي قالت عاوزني اتنازل اخوه يشتري شقه باسم بنتى بره البيت ويجي هو واهله يبوسوا ايديها ويتاخد عليهم وصل امانه على بياض ويبق  معايا يوم مايغلطوا فيها أو يتعرضولها اعرف اجيب حق بنتى هما مفكرينها مالهاش حد عشان ابوها ميت ومالهاش اخوات يعملوا فيها كده مش عارفه امي صح ولا غلط زى الناس مابتوقلي ارجعي لجوزك وسيبك من امك لانها مش هتنفعك اعمل ايه يابنات».

وكانت التعليقات تدل على إعجاب الأخريات بموقف الأم ورد فعلها، حيث قالت مي : «امك صح مليون المية وموقفها احسن من اي راجل ف بيت جوزك لمؤاخذة يعني محدش فيهم راجل لا جوزك ولا سلفك والداتك بتعملك قيمة وكرامة ولو معملتش كده قابلي بقي بعد كده كل شوية اهانة وبهدلة من اقل واحد بالبيت حتى العيال الصغيرة».

وعلقت سندس قائلة: «والدتك صح جدا ولو كانت سكتت كنتى عيشتى متهانه طول حياتك جوزك ماعندوش شخصيه واهل جوزك ماعندهمش تربي».

وقالت دينا: «لو الموقف مر مرور الكرام هيركبوا ويدلدلوا امشي ورا كلام مامتك طبعاً واستخيري طبعاً».

وعلقت زينب: «امك دي احسن من رجاله بشنبات  الناس دي معندهاش مشكله يتمسح بيكي الأرض عادي».

وقالت آية: أمك سيد سيد الرجالة ارجل من ارجل راجل ف عيلتكم وعيلة جوزك».