كتب شاب مشكلته على إحدى جروبات موقع التواصل الاجتماعي "فيس بوك" يشكو من حبه لفتاة لدرجة العشق ولكنها رفضت الزواج منه، وذكرت تلك المشكلة المتابعين بحادث مقتل نيرة أشرف من الشاب الذي رفضت الزواج منه.

وكتب الشاب: «أنا بحب زميلتي في الجامعة أوي واتقدمتلها أكتر من مرة ورفضتني والمشكلة إني بعشقها مش بس بحبها وحقيقي مش شايف غيرها وحاولت أقرب منها أكتر من مرة وهي برضوا رفضاني مش عارف أعمل إيه!».

قال شادي في تعليق: «وحياة أبوك يا شيخ ما تقرب أكتر من كدة وسيبها تعيش إحنا اتهرينا والله».

بينما علق تامر: «عسى أن تحبوا شيئا وهو شر لكم قد تكون تلك الفتاة كارثة عليك ادعوا الله بالخير لنفسك وأن يرزقك من تصلح أن تكون زوجة صالحة».

وقالت وسام: «حب وقتل وهبل لا حول ولا قوه الا بالله.. البعد عن الله هيك بيعمل».

كما علقت فاطمة: «لا والنبي ارحم أمنا وفوق لنفسك اللي بيحب بجد يتمنى يشوف اللي بيحبها في أحسن حال وانت شوف مستقبلك وإن شاء الله تقابل اللي تحبك وتبقى نصيبك إنما حب التملك والأنانية ده مش حب أبدًا ما تخسرش حياتك ومستقبلك يا بني اشغل نفسك وابعد عنها وصلي واتقرب لربنا وهو هيقف معاك وهيعوضك بالأحسن إن شاء الله».

وقالت لمار: «لا تعمل شي وابحث عن واحدة أخرى تبادلك الحب واحذر أن تفعل ما فعله بعضهم وتطلق عليها الرصاص».

بينما علقت كرستين: «مش لازم الدنيا تقف مع أول تجربة رفض الحياة لازم تستمر وإن شاء الله ربنا يرزقك بالبنت المناسبة».

وقالت أية: «احترم رغبتها واستعن بالله وإن شاء الله ربنا يعوضك بأحسن منها كرامتك وشخصيتك ورجولتك أهم من الحب حافظ عليها كويس».