سيدة تشكر طليقها على فيسبوك.. والمتابعات: «حب من طرف واحد»

وكانت التعليقات تدل على إعجاب النساء بشخصية هذا الرجل وتقديرهم لمعاملته الطيبة لزوجته السابقة، والكثير منهن طلب منها أن تعود وتتزوج منه مرة أخرى والبعض الآخر يرى أنه "حب من طرف واحد".

وعلقت سارة: «ده لما الست هي اللي تكون مش عاوزه تكمل والراجل بيحبها اكيد فبيعمل كده».

وقالت شيرين: «أنا بقول بعد اعترافك بكل ده لازم ترجعوا لبعض وأنا واحده من الناس مطلقه بعد معاناة... وبقول إن أي اتنين مطلقين ممكن يرجعوا لبعض لو في موده وحب وإحترام اللي هما أشمل واعم من الحب والله لما الراجل بيكون عنده أخلاق الرجوله والله كل حاجه بتتحل مهما كانت صعبة لكن لما يكون الراجل مش راجل إلا في البطاقه بس الدنيا بتبوظ ولازم يحصل الطلاق.. تحية تقدير وإحترام لكل راجل بيراعي ربنا في زوجته وأولاده».

وعلقت سمر: «انا كمان بشكرك والله علي اهتمامك بيها وبأدق تفاصيلها وانك محسستهاش أنها بقت لوحدها وأنك لسه ليها وللولاد سند جزاك الله خيرا وربنا يصلح ذات بينكم».

وقامت رحاب بالدعاء لهم قائلة: «ربنا يصلح حالكم و يؤلف بين قلوبكم و قادر ينعم عليكم و على أولادكم بلم الشمل من تانى».

وعلقت هند: «حد بالصفات دي واهم صفه ابن ناس وابن اصول تنفصلي عنه ليه طالما الصفتين موجودين اي حاجه تهون، اكيد الحب من طرفه عشان كل الاحترام والحب والاهتمام موجودين الا بيحب بجد دي بتكون النتيجه ربنا يصلح الاحوال».

وقالت زينب: «لما كله شكرا لية بس البعد نحاول نرجع ثانى علشان كل الحب دة والعشرة الطيبة والنفس الصافية النقية وكرم الأخلاق حفظكم الله ونسمع قريبا ان شاء خبر العودة».