دنيا ودين

مصطفى حسني يكشف عن 4 أجواء تصنع الأقنعة.. فيديو

السبت 30/أبريل/2022 - 04:09 م

عزة رشدي

تناول الداعية الإسلامي مصطفى حسني، خلال حلقة اليوم من برنامج القناع، الذي يعرض خلال شهر رمضان 2022، الحديث عن الأجواء التي تصنع الأقنعة؛ حيث حدد أنها 4 أجواء من الممكن أن تضع الشخص داخل قناع غير مرغوب فيه.

سبب صناعة الأقنعة

وقال الداعية مصطفى حسني: إن البيئة الأولى التي من الممكن أن تكون سببًا في صناعة الأقنعة، إنه "ينشأ في بيت فيه بعض الأخطاء التربوية، لافتا إلى أنه على رأس الأخطاء التربوية اللي ممكن تكون سببًا في صناعة الأقنعة إن الأب والأم بيفضلوا الناس وبيرضوهم على حساب العيال، على أساس إن العيال جزء من ممتلكاتنا".

مضيفا: "الأولاد يحسوا بعدم قيمتهم، وإن دايمًا لما يتخانقوا مع أصحابهم يجي الأب يزعق لابنه أو الأم تزعق لبنتها، علشان متزعلش الناس من غير ما تعرف إيه اللي حصل".

تأثير التربية

وأكد الداعية مصطفى حسني خلال برنامج القناع: "لما الأهل بيفضلوا الناس على حساب عيالهم، بيطلع الابن حاسس إن مشاعره مالهاش قيمة، وإن ذاته قليلة جدًا، فبيطلع في المجتمع مكسوف إنه يعبر عن رأيه، فيلبس قناع التابع"، مضيفًا: "ساعات لما بنتربى في بيوت أهلنا بينصرونا على حساب الناس، فيطلع الأولاد عندهم تعاظم، ويطلع حاسين دايمًا إن أنا المفروض لما أكون دايمًا في أي مكان محدش يدوس عليا حتى لو غلطان".

وتابع: "ساعات الأولاد بيتربوا في بيوت بيشوفوا أهاليهم بيتخلوا عن قيم من أجل المصالح، فالأم تقول لبنتها اكذبي علشان تغيب بكرة في المدرسة، أو تقولهم غشوا في الامتحان علشان تنجحوا، فيطلع العيال لما يكبروا عندهم استعداد يردتوا أقنعة مزيفة بحثًا عن احتياجات ومصالح"، مشيرا إلى أنه "من ضمن الأجواء اللي بتربي الرغبة في ارتداء الأقنعة، التخلي عن شخصيتي الحقيقية وإني أعيش بأقنعة معينة علشان أنتمي لمجتمعات معينة، هو أجواء جوايا، اسمها الاستسلام لضغوط المجتمع، أي لما يبقى عندي رغبة في الانتماء لمجتمعات معينة، بس بتضغط عليا إن شخصيتي غير مقبولة، علشان تُقبل في المجتمعات دي لازم تلبس شوية وشوش علشان تبقى راكب معاهم".

اقرأ أيضًا..

برنامج "اسأل مع دعاء" يوضح الفرق بين كلمتي "أكملت وأتممت" في القرآن الكريم

وقال الداعية مصطفى حسني: "لما يبقى عندك صفات شريفة نبيلة راقية في شخصيتك، وبسبب الصفات دي يحصلك أزمات في الحياة، هتبدأ تفكر هو أنا إيه اللي جايبني ورا، طيبة قلبي وحنيتي والتسامح والكرم في العطاء والثقة في الناس والجدعنة في الشغل والتفاني والتضحية، ما أشيل ده كل وألبس أقنعة تانية"، موضحا: "في ناس كتير مننا انخدعوا في أشخاص، لكن انت تعرف تعيش ساكن هادئ مطمئن وبتحمي نفسك، ولكن بشخصية صادقة مابتلفش وتدور، فيها أخذ بأسباب وفيها حرص، لكن حافظ على قلبك علشان تروح عند ربنا يوم لا ينفع مال ولا وبنون إلا من أتى الله بقلب سليم". وأكد، :"لو انت واعي لشهواتك ورغباتك، هتبدأ تحافظ على أخلاقك ومش هتلبس أقنعة، اللي مش واعي الدنيا بتاخده وبينسى تمامًا شخصيته الصادقة، الشخصية اللي تعرف تلبي بيها احتياجاتك من غير ما تكذب ولا تلف ولا تدور ولا تيجي على حق حد، ولا حتى تيجي على حق نفسك".