وقال الداعية مصطفى حسني في حلقة اليوم من برنامج القناع: "إن اللي لابس قناع المحروم عنده احتياج الشعور بالكفاءة، أنا كويس على فكرة وبتعب ويجتهد ، قدروني، وده احتياج مشروع جِدًّا كلنا بنتمناه ، وعنده شخصية مابيحبهاش، إن الشخص اللي مش ناجح ومش حالل مشاكله الناس بتصغره وتحقره".

وأضاف مصطفى حسني، أن من طبع اللي لابس قناع المحروم، ديمومة الشكوى للجميع، إحتراف إنه كل ما يقعد في قعدة يتكلم إزاي الناس أو الدنيا أو صحته لغاية أما يوصل لربنا إن أقداره جاية عليه، موضحا: "قناع المحروم، هو قناع بيلبسه الشخص اللي مش عايز يتلام إنه مش متحمل لمسئولية نفسه، وفي نفس الوقت بيدور على احتياج الناس تقدره وتحسسه إنه كبير ومش مقصر".

وتابع الداعية مصطفى حسني خلال برنامج القناع، أنه من ضمن الخسائر اللي بيتعرض ليها اللي لابس قناع المحروم، :"نفور الأسوياء من حوله، الناس الأسوياء مابتحبش تقعد كثير مع كثير الشكوى دون داعي، أنا أحب إن حد يشتكيلي وأساعده وأجيبله حلول ونفكر مع بعض ونساعد بعض، كما أنه يفقد فرص للتطور في حياته".