ياسمين عبد العزيز تثير الجدل بتعليق مفاجيء حول طليقها محمد حلاوة.. والجمهور يشعل شائعات
مصطفى حسني: «صاحب قناع اللارج بيذل نفسه علشان يحافظ على المنظر المُبهر».. فيديو
الخميس 14/أبريل/2022 - 07:31 م
عزة رشدي
تناول الداعية الإسلامي مصطفى حسني، خلال حلقة اليوم، من برنامج القناع، الحديث عن صاحب قناع اللارج، والذي عادة ما يرتديه لخوفه من الشعور بالدونية قائلا: "لما يبقى دايمًا مش بيقتني أغلى حاجة ويخرج في أحلى مكان ويشتري أكبر حاجة يبقوا الناس منبهرة لما يشوفوا بيته".
وأضاف الداعية مصطفى حسني خلال برنامجه القناع، أن: "ربنا المغني قادر يخلق إحساس الاستغناء بما تملك، مش لازم تبقى عمال بتلهث وتعرض نفسك لمذلة الدين وانت لابس قناع اللارج علشان تحس إنك مقبول عند المجتمع ومنتمي لمجتمعات ممكن تكون سبقاك ماديًا شوية".
قناع اللارج
وتابع: "في بحث بيقول الشخص اللي عنده غناء وثراء نفسي، وعنده اهتمام بالناس بالعطاء، بيصنع ذكريات في حياته يفتكرها مع حبايبه ودايمًا عنده منظور لكل شيء، رؤية للحياة ورؤية للموت ورؤية للخلق ورؤية للآخرة ورؤية لربنا، كأنه عايش في عالم من المعاني بتكفيه".
وأوضح أن: "الشخصية الصادقة الرشيدة هو اللي تحرر وتخلع قناع اللارج، لأن اللارج اللي بيطلب القيمة بنظرات الناس وبيطلب إحساس القبول والانتماء بسبب كثرة المقتنيات والخروج في الأماكن الغالية واللبس الشيك المختلف"، مضيفا: "الشخصية الصادقة الرشيد استغنى من جواه، هو شيك في نفسه بس برضو بيدور على البساطة، بيعبد الغني المغني سبحانه وتعالى اللي أغناه بالموجود، لكنه مستغني عن نظرات الإعجاب لأنه مع ربنا سبحانه وتعالى".
واختتم الداعية مصطفى حسني حلقة اليوم من برنامج القناع قائلا: "عايز أقولك يا صديقي عيش بشخصية الرشيد، دي شخصيتك الصادقة اللي بيها هتعرف تحقق احتياج الانتماء والظهور والحب الصادق في قلوب الناس من غير ما تبقى لابس قناع اللارج اللي بيذل نفسه علشان يحافظ على المنظر المبهر، الرشيد مستريح واللي لابس قناع اللارج مُرهِق ومرهق.
اقرأ أيضًا..
