سبب وفاة الملحن محمد رحيم
أخبارها سوشيال ميديا.. كيف ترى البنات الزواج من شخص يعمل بالخارج؟
السبت 12/فبراير/2022 - 11:29 م
ساندي جرجس
تعتبر مسألة سفر الزوج للخارج أزمة بالنسبة للكثير من الفتيات عند اختيار شريك الحياة، ولكن بسبب ظروف المعيشة والبحث عن الرزق والمال أصبحت الكثير من النساء توافق على سفر الزوج ولا تمانع فيه.
ولكن منشور على موقع التواصل الاجتماعي "فيس بوك" كشف عن وجهة نظر الفتيات وآرائهن فيما يخص الزواج من شخص يعمل بالخارج؛ حيث تساءلت إحداهن في منشور على جروب للنساء، وقالت: «توافقي تتجوزي حد بيتغرب بره؟!»، وكانت التعليقات كالآتي:
لو هتسافري معاه تمام
علقت كوكي: «لو هتسافري معاه تمام، مش هتسافري عن تجربة صعب جدا».
علشان المستقبل
وقالت مريم في تعليق: «اتجوزت وأتغرب وهيتغرب والحياة صعبة بس أنا ببص لقدام عشان مستقبل ابنه ومستقبلي».
ممنوع السفر
بينما قالت غادة في تعليقها: «لا وأي حد كان بيتقدملي مسافر برا كنت بقفل منه لمجرد كدااا، الجواز بالنسبالي استقرار واتنين بيشاركوا ويشيلوا عن بعض المسئوليات والضغط، وطالما هاخد واحد يبعتلي فلوس ناكل ونشرب ونلبس اتجوزت ليه ما كنت قعدت ف بيتنا بصرف على نفسي من شغلي».
بشرط ياخدني معاه
وعلقت فاتن: «ممكن أوافق لو هياخدني معاه غير كدة معرفش اعيش و انا ف بلد و هو ف بلد الزواج مشاركة الطرفين سوا ويعيشوا سوا مش هو على طول مسافر ويجيلي أجازات دي مش عيشة بصراحة».
اقرأ أيضًا..
رفضت طبعًا
بينما قالت لارا: «اتقدملي وموافقتش، هو بغض النظر ع اني مكنتش موافقه أساسا م البدايه بس واحد بيقولي هسافر وهاجي كل سنتين والحقيقه كان سؤالي ليه طب انا هبقا معاك لو ف نصيب !؟، قالي لا للاسف مش هقدر يعني اي واحد يسافر ويسيب واحده وييجي زيارة شهر كل سنتين اومال احنا بنتجوز ليه محنا بنتجوز محتاجين سند يعوضنا على اللي شوفناه ف بيت اهلنا محتاجين ايد تطبطب مروحش اتجوز واحد بيسافر واشيل انا كل حاجه يبقي فين الراحه الجواز مسئولية كبيرة ولازم ايدي تكون بايده مكونش لوحدي».
وافقي لو هتروحي معاه
وعلقت أيضاً سماح: «لو هياخدك معاه وافقي لكن لو لا يبقا بلاش هتحسى بوحده دايما والزواج مشاركه عموما وربنا يقدملك الخير يارب يارب».
وقالت آية: «لو هياخدك معاه ماشي غير كدا لااا مش هتتحملي وهتبقى عيشتك صعبه والمسؤليات كلها عليكي لوحدك بلاش هتندمي وتتعبي».
وعلقت بسنت قائلة: «لو مش هتسافري معاه ارفضي طبعا لو هتسافري معاه ممكن توافقي بس بردو هيكون صعب عليكي الغربة مش سهلة وهتكوني بعيد عن أهلك وأهله وأصحابك وهيفوتك مناسبات كتير هنا مع أهلك وهييجي عليكي أوقات هتكوني محتاجة أهلك وأوقات أهلك هيكونوا محتاجينك ومش عارفة تكوني جنبهم».
