أخبارها سوشيال ميديا.. عروسة: «إمتى ابدأ المشاكل مع أهل جوزي؟».. والمتابعات: «مبروك الطلاق»

وطرحت تلك المرأة سؤال في إحدى جروبات النساء على موقع "فيس بوك"، وقالت إنها متزوجة حديثا ولم يمر على زواجها شهر، فمتى يمكن أن تبدأ الخلافات، «امتى ابدأ أعمل مشاكل مع أهل جوزي؟!».

وعلقت هدير على المنشور قائلة: «بعيدا عن أن الموضوع هزار بس ليه كل البنات بتدخل بيت العيلة كأنها داخله حرب بجد ليه مندخلوش البيوت دى ونعامل الناس دى إنها أهلنا دي أمى وده أبويا ودى أختى وده بجد وعلى فكرة الحنية بتجيب حنية وربنا يصلح حالنا جميعاً».

وقالت رغدة ساخرة: «متستعجليش يا حبيبتي هما هيعملولك مشاكل وحوارات وكل الي عايزاه وانتي في مكانك».

بينما علقت شيماء: «والله السؤال هيبقى أجمل لو كان ازاى تكسبى حب أهل جوزك، كمان السؤال ده هيبقى مفيد لكل واحده ليها مشاكل مع أهل جوزها».

وقالت نادية: «ليه تعملي مشاكل لا حول ولا قوة إلا بالله، احنا معندناش الهبل ربنا زود عائلتي بعائلة تانية أهل الزوج، ولو صعبين أوي ليه اخترت الحياة ديه من الأول مع ناس ذي ديه لكن أنا مش بحب المشاكل والتعاملات الصعبة ديه ربنا يهدي سرك».

وعلقت هناء قائلة: «هو أنتى لسه معملتيش طالما فى نيتك ابتدى على طول أنتى لسه هتستنى، سبحان الله هو دا اللى أهلك ربوكي عليه حاساكي مش هتعمري وطلاقك قرب لو متربتيش صح».

وقالت فاتن: «متستعجليش هي كدا كدا المشاكل بتبقا من الخطوبة أصلا بس فتحي عينك وخليكي زكية وميبقيش طيبة علشان الطيب بياخد صدمات كتير».

بينما علقت نور: «لا حول ولا قوة إلا بالله يا ستي خليكي كويسة معاهم طالما هما ناس محترمة والله ما في أحلى من راحة البال وقدامي الحلو كله ومستنيش من حد حاجة، وخليكي انتي أحسن منهم واتعاملي بما يرضي الله وربنا ما يدخل بينكم الشيطان يارب وتكون حياتك هادية وسعيدة».

طرحت إحدى النساء مشكلتها أيضًا قائلة: «جوزي اتجنن عاوزني أخدم أمه!»، ولاقت هذه المشكلة هجوم من النساء الأخريات على طريقة تفكير تلك المرأة، وكانت التعليقات كالآتي: 

قالت ابتهاج: «أمي كانت بتدعي لمرات أخويا قبل ما تدعي لنا كنا بنحس إنها هي اللي بنتها ربنا يديها الصحة ويخليها لنا مرات الغالي».

وعلقت إيمان: «خدمة الحماه ليست واجبة، الزوج واجب عليه يخدم أمه مش قادر يجيب لها شغالة، إنما ليس من حقه إجبار زوجته وإذا قامت هى بخدمتها يبقى الزوجة دي صالحة وتتشال على الراس لأنها فضيلة منها وليس جبرًا».

وقالت نورا: «رصيد الحب إذا كانت الأم أو الحما أو الأب أو أب الزوج بيتعاملوا بحب وليهم رصيد مودة ورحمة عن أبنائهم وزوجاتهم وأزواجهم لوجوهم تحت أقدامهم بكل حب».

وعلقت نرمين: «للأسف جيل البنات الأيام دي قلة الأصل متوفرة لدى الكثيرين وطموحي وشخصيتي».