«الراجل الفرفوش».. حكايات البنات عن لقاءات جواز الصالونات

تخاف البنات من الزواج بدون سابق معرفة بالشخص أو وجود علاقة حب معه أو ما يطلقن عليه "جواز الصالونات"، ودفع ذلك الخوف إحدى الفتيات لطرح سؤال على موقع التواصل الاجتماعي "فيس بوك" عن أول مقابلة في جواز الصالونات.

وطلبت الفتاة نصيحة الأخريات حول ما يخص أول لقاء مع العريس الذي يريد الزواج منها دون أن تجمعها معه علاقة مسبقة، وقالت: «اللى اتجوزو صالونات أول مقابلة عملتي فيها ايه، وتنصحي غيرك بإيه؟!».

وعلقت مريم على المنشور قائلة: «من أول قاعدة فصلني ضحك، وكان بيتعامل معايا كأننا صحاب بقالنا سنين، قلت بس هو ده اللي هتجوزه، الراجل الفرفوش رزق برضة».

وقالت آمال في تعليق آخر: «إحساس الراحة والقبول أهم حاجة ودة هيخليكى تقررى أنتِ هتتكلمي معاه ولا هتسمعي وتسكتي وتقلبي القعدة عشان تخلصي».

وعلقت جنة قائلة: «حددي موقفك صح خليكي صريحة في الحاضر، والماضي مالكيش دعوة بيه متجبيش سيرته أبدا، كلمتك واحدة واسمعي منه الأول وبعدين أنتي اتكلمي وربنا معاكي ويسهلك كل صعب».

ونصحتها تريزا وقالت: «انصحك أنك تسمعي ومتتكلميش إلا قليل، لازم طبعا قبلها تكوني عارفة كل مواصفاته وتكونى موافقه عليها، وانتو قاعدين اللي بيرغى على مادياته مادى واللي مبيديكيش فرصة تتكملى عايز ياخدك في دوكه ويشقلبك، ركزى المقابلة الأولى دى بتبين كتير وأهم حاجة تسمعى أكتر ما تتكلمى لو مبيتكلمش خليه يحكيلك يومه بيمشي ازاى عمتا».

وقالت نرمين في تعليق آخر: «خدى وقتك في التعامل وخلى الانبهار والانطباع الأول ده على جنب اختبروا بعض كتيير وفى مواقف كتير برة البيت مش جوة البيت، اوعى تسأليه عن رأيه فى حاجه انتى خايفه منها لأن الكلام ساعتها هيكون متزوق ومش حقيقى لكن حطيه فى الموقف نفسه، اوعى تغضى البصر عن شيء مش عجبك فيه أو فى أهله لأنه ببساطه مش هيتغير وهيتعايش معاكى طول عمرك».