«وصفات وفتاوى».. مشاكل التخسيس في جروبات النساء على فيس بوك

وتعتبر وسائل التواصل الاجتماعي هي المكان المناسب الذي تجتمع فيه النساء في الجروبات لتبادل الخبرات وطرح الأسئلة وحل المشكلات مع بعضهن، وكانت مشاكل التخسيس أبرز الموضوعات المطروحة في جروبات النساء.

وقد نشرت إحدى الفتيات على "فيس بوك" منشور تطلب فيه مساعدة الأخريات للبحث عن طريقة تناسبها لتتخلص من الوزن الزائد، وكتبت: «أنا عايزة أخس يا بنات خمسة كيلو في البيت أعمل إيه؟!»، وكانت الردود كالآتي: 

نصحتها فاطمة من تجربتها في التخسيس في تعليق وقالت: «كل يوم على الريق اشربي كباية مية سخنة واعصري عليها نص ليمون وطبعًا بدون سكر خلال أسبوع هتدعيلي».

وكما كتبت آلاء في تعليقها: «بصي قللي أكل واشربي ميه سخنة على ليمون الصبح وكلي بس رغيف في اليوم لو بلدي، ومتتعشيش، والله هتخسي أنا عملت كده».

وعلقت أسماء: «بصي خلينا متفقين إن آخر 5 كيلو بيبقى أصعب من بداية الدايت، بيبقى عايز نظام غذائي صارم جدًا ونظام رياضي، ولازم يبقي في انتظام شديد، لأن الفتره دي أي خلل بيخلي في ثبات الوزن نعمل أسبوع خالي من النشويات الصريحة تمامًا والسكريات البيضاء، وتاخدي يوم فري يبقى من أوله استمري على النظام ده لمده 3 أسابيع هتلاقيهم نزلوا، مع طبعا 15 ألف خطوة في اليوم نقسمهم على اليوم كله و40 دقيقة كارديو».

ونشرت فتاة أخرى شكوتها على جروب نسائي آخر، وكانت تلك الشكوى شهيرة أيضًا بين الفتيات، حيث أنها تُعاني من تعليقات خطيبها السلبية على وزنها طوال الوقت، وأنها تبحث عن حل لتكون في وزن ومظهر جيد يعجب خطيبها.

ونصحتها نسمة في تعليق: «خلي عندك إرادة وامشي كتير والعبي رياضة ولو في قدرة مادية شوية دلوقتي في حاجات كتير تخسس وتشيل السيلوليت عمليات وجلسات وكل ده عشان نفسك ومهما كان لازم يبقى عندك ثقة في نفسك».

وقالت جهاد في تعليقها على ذلك المنشور: «اعملي ريجيم رضوى الشربيني يلا نخس في أسابيع واعملي يوم للمشروبات بس بتاع سالي فؤاد وهاتيلك حبل ونطي واعملي كام تمرين في البيت وهتلاقي نتيجة أكيد بس أهم حاجة الالتزام».