كلام ستات

كيف استقبلت النساء قصة «على الهامش» من مسلسل «إلا أنا»؟

الخميس 28/أكتوبر/2021 - 07:50 ص

ساندي جرجس

أثارت القصة الأخيرة من مسلسل "إلا أنا" تحت عنوان «على الهامش» جدلاً واسعاً على مواقع التواصل الاجتماعي، خاصة بين النساء فهي قصة تمثل واقع الكثير من النساء التي عاشت أزمة الطلاق وبدأت من الصفر، كما نالت القصة إعجاب الكثيرين من النساء والرجال أيضاً.

وجاء التعليقات من النساء على قصة "على الهامش" من المسلسل على موقع "فيس بوك"، تشير إلى أن الكثير من النساء تتفق مع عمل المرأة حتى تؤمن مستقبلها وبعضهن يرفضن اضطرارية العمل والتفرغ للأبناء، كما أكدت بعض النساء أن القصة واقعية وحدثت معهن بالفعل.

وقالت حنان في إحدى التعليقات: «هو كلام حلو بس الست مسؤولة من الرجل ومش لازم كل الستات تشتغل لكن تطور من نفسها في أطفال لازم تربيتهم ورعايتهم، اكيد مش في الحضانة، عشان الست تشتغل في حضانات الأطفال بتفضل فيها ل 6 المغرب وبليل كمان اقسم بالله ده بيحصل عشان خاطر الأم بتشتغل، معلش اللى مضطرة تشتغل لكن مش كل الستات تنقم على عيتشها وتشوف نفسها على أزواجهم دي مش عيشة احنا مش داخلين سباق والاحسن، الواحد يختار كويس وكده كده كل واحد هيشوف اللى مكتوبله حتي لو عملنا ايه بس الأطفال بتتظلم».

وقالت شاهندة مقدمة الشكر لمؤلفة المسلسل، وقالت: «شكرا جدا للكاتبه أماني تونسي شكرا حسستينا بواقع أمامنا بس عمرنا ما كنا هنحسه».

وعلقت نغم: «شوفت حلقة النهاردة وفعلا ده واقع كتير بس الى مش واقع مفيش شغل للستات بالذات الي تخطت سن 40 عاماً».

وقالت بسنت في إحدى التعليقات: «فعلا الواحد غلطان أنه يعطي الأمان لناس متستهلش بنعتبرهم أكتر من أهلنا وفي الاخر يخربوا في حياتنا ويصعب عليهم لو شافونا فرحانين».

وعلقت ندى قائلة: «والله العظيم انا حصل معايا بعض المشاهد بعد عشرين سنة جواز طلعت من البيت فاضية من غير أي شي حتى أولادي حرمني منهم بقالي 3 سنوات حسبنا الله ونعم الوكيل».

ومن ضمن التعليقات قالت مريم: «درس لكل الستات عشان تتعلم متأمنش لأي راجل وتأمن نفسها تحسبا ليوم زي ده مفيش حد يستاهل تضحي عشانه ولو كانت اشتغلت من زمان كان زمانها ماتحوجتش انها تقبل اي شغلانه اقل من قيمتها للاسف».

اقرأ أيضًا..