بالتعاون مع التضامن.. الهلال الأحمر المصري يواصل فعاليات مبادرة «بإيديك تنقذى حياة»
خبيرة أسرية: شخصية شريف بـ "إلا أنا" هي الأكثر انتشارًا في مصر
الأحد 10/أكتوبر/2021 - 09:55 م
عبدالله أبو الخير
واصلت الدكتورة نانسي ماهر؛ خبير العلاقات الأسرية ومرحلة المراهقة؛ تحليلها للأعمال الدرامية المطروحة على الساحة وإسقاط شخصياتها على الواقع، كمثال يسهل فهم شخصيات الواقع من خلاله، وهذه المرة كان تحليلها لشخصية "شريف" في مسلسل "إلا أنا"، مشيرة إلى أن تلك الشخصية التي تحب أن تسير الأمور وفقا لهواها ولا تدري ما تريده تحديدا، وهي الشخصية الأكثر تكرارا وبشكل قوي في المجتمع المصري والشرقي، على حد وصفها.
وأشارت نانسي إلى نتائج هذه الشخصية:" النتيجة مرار طافح للشخصية اللي بتحاول ترضيه، لأنها بترضي حاجة مش واضحة أو بيسموها _بتنشن علي نموذج متحرك Targetting a moving target "
وأوضحت ماهر أن الأسباب التي تؤدي إلى اكتساب شخصية كتلك تعود للتالي:
١. التربيه والطفوله لها نصيب الأسد؛ لأنها بتغذي قوي جواه فكره انت "كل حاجة" الـ "ولا حاجة"، غياب الهوية الواضحة ليه من صغره بتخليه يحس إنه مميز أو بيقنع الناس إنه مميز، بس فعليا هو مش حاطط إيده على "هويته".
٢. عدم وضوح الهوية اللي بيتشكل قوي في فترة المراهقة بيخلق من شريف نموذج باهت لشخص بيحاول يبقى راجل بس مش عارف يطلع من توب الطفوله.
٣. عدم النضج ؛ ده بينعكس في تصرفات كتير زي السيطره علي الصغيره والكبيره، النقد المستمر من غير ما يبقي فيه مرجع الأوامر المستمره من غير منطق أو فهمه، قطع أي وسيله للتواصل والإقناع؛ لأنه بيزعم انه هو بس اللي صحة.
٤. الحدود؛ الشخصية دي بيبقى صعب ليها قوي تحط حدود واضحة لحياتها، ميقولش لأهله لا علي التدخلات علشان فاكر إن ده حقهم، ميقولش لزميلاته لا للكلام اللي ملوش لازمة علشان فرحان بنفسه ومش عاوز يخسر حد وهكذا.
5. الهدف الخاطئ؛ يوم بقى ما يتحط في منصب قوة أو سلطة تلاقي سبحان الله أنياب وحوافر مصممة تشكل اللي قدامه للأسف لشكل هو نفسه مش فاهمه.
6. الصورة؛ لتوشه الهويه دوره الأكبر في اهتمامه بس بصورته وصوره أهله قدام الناس، وبالتالي مش بيبقى عنده وقت يفكر هو عاوز إيه وشريك حياته عاوز إيه، كل اللي بيشغله صورته قدام الناس؛ لأنه ببساطة مش عنده رؤية يوصل بيها لصورته المنشوده في عينين نفسه.
7. طيب؛ للأسف بقى إن نماذج كتير منه بيبقي طيب قوي من جوه ونفسه يعمل الصح بس الغلط صوته حواليه عالي فكل اللي بيشوفه إنه زي ما مامته بتقول إنه زي الفل ولقطة وزي ما زميلاته بتقول إن يا بخت مراته بيه وزي ما أخته بتقوله إن مفيش زيه، بس لازم يتأكد من تصرفات مراته ويشك فيها.
وأنهت ماهر: "للأسف عدم ثقته في نفسه مع الذات والكبرياء الفاضي ممكن يدمر حياته كلها لو مفاقش ودور على مساعدة، وفهم نقاط قوته اللي بجد ونقاط ضعفه اللي محتاجة مجهود".
