بملعقة واحدة.. 6 فوائد للعسل تحدث في جسمك لن تصدقيها.. ما هي؟
أسما تطلب الطلاق: «بيحبني زيادة عن اللزوم.. ومش حمش»
السبت 25/سبتمبر/2021 - 04:17 ص
عزة ذكي
"بيحبني زيادة عن اللزوم وبيخنقني باهتمامه الزائد، وما بقتش قادرة اتحمل، أنا كنت عاوزة راجل حمش، مش دلوع". بهذه العبارة شرحت السيدة "أسما ت."، 26 عاما، أمام الأخصائية الاجتماعية بمحكمة الأسرة في البحيرة، تطلب إقامة دعوى طلاق من زوجها، مؤكدة أنها كرهت العيش معه بعد 7 أشهر من الزواج.
وطلبت الزوجة إقامة دعوى طلاق من زوجها "أسامة م."، 28 عاما، والذي يعمل مهندسًا في إحدى الشركات، موضحة أنها لا ترغب في إنجاب أطفال وأن يعيشوا في جو أسري غير ملائم بسبب عدم التفاهم بين أبويهما: "مش عايزة أخلف لأني كرهت العيشة، أنا طول عمري مدلعة في بيت أبويا علشان كدة كنت عاوزة راجل حمش، مش يدلعني أكتر من دلعي، أنا عاوزة أكشن في حياتي".
اقرأ أيضًا..
وأضافت الزوجة أن غيرته واهتمامه وحبه الزائد هي صفات دفعتها لطلب الطلاق، وأنها طالبت زوجها بالانفصال في هدوء لكنه لم يوافق بسبب عشقه لها: "قولتله نطلق في هدوء قالي أنا ما اقدرش أعيش من غيرك، وبعشق التراب اللي بتمشي عليه، وإحنا اتجوزنا جواز تقليدي وكلانا يعيش حياة مرفهة، إحنا مش ناقصنا فلوس ولا حاجة لكن أنا ناقصني يكون في شخص مسؤول يحملني مسئولية ويزعق ويخشن، لكن هو طول الوقت حب واهتمام زايد عن اللزوم، ودا خلاني ما حسيتش بالمسؤولية ولا كأني اتجوزت".
وحاولت الأخصائية الاجتماعية إثناء الزوجة عن إقامة دعوى طلاق لكنها صممت على إقامة الدعوى.
