نيرمين الفقي في صدارة جوجل بسبب والدها.. ما القصة؟
10 نصائح لتربية طفلك أولهم «سيبك من كلام الناس»
الخميس 23/سبتمبر/2021 - 12:47 ص
عبدالله أبو الخير
قالت الدكتورة هايدي المصري، إن السماع لنصائح الآخرين لتربية الأبناء هو نتاج خبراتهم الشخصية والتي تحتمل الصحة والخطأ، مشيرة إلى الأضرار التي قد تتسبب فيها تلك النصائح.
حيث كتبت "المصري" عبر صفحتها الشخصية على فيسبوك:" اعرفي إن الناس مفيش حاجة هتعجبها وأحيانا كلامهم بيكون نتيجة خبرات منها الصح ومنها الغلط ومنها أحيانا أهداف تانية زي الغيرة مثلا، وعلى قد ما بتدي كلام الناس مساحة إنه يأثر في حياتك علي قد ما ممكن يسبب ده ضغط، وتحت هذا الضغط والإلحاح ممكن تلاقي نفسك بتعملي أمور أنت مش عايزاها أو رافضاها".
وتابعت المصري: "بتكلم طبعا عن التأثير السلبي لتدخلات الناس في حياتنا، فكري في الموضوع بمبدأ المكسب والخسارة، ففي مقابل انك تكسبي ثقة الناس أو ان وجودهم ونصائحهم بتجاوب علي حيرة وإحباط في تربية طفلك، فأنتِ بتخسري ".
وأكملت:" بتخسري سلامك وهدوئك وثقتك في نفسك، وبتخسري علاقتك بطفلك، صوره تربوية مهزوزة بتفقدك سلطتك علي طفلك، تحسن مؤقت للسلوك، ضغط، وكذا ضرب الطفل أو التصرف بعنف وده مرفوض ومشاكله كثير".
ونصحت بـ 10 أشياء لابد من وضعهم في الاعتبار:
١-افتكري ان مفيش حاجة هاترضي الناس
٢- اتعلمي عن التربية من مصدر موثوق
٣- دعمي ثقتك بنفسك بمهارات تربوية
٤-الطفل مش مكان لتفريغ غضبك أو انفعالك
٥- انت ادري بطفلك وانت الوحيدة اللي من حقك توجهيه
٦-اعرفي ان التربية عملية مستمرة ويحتاج وقت وتدريب
٧- ابتعدي عن الناس السلبية
٨- وقفي كلام الناس عند اللزوم
٩- تواصلي مع طفلك علشان يسمعك
١٠- افتكري إن أنتِ وطفلك فقط اللي هتتحملوا النتيجة
اقرأ أيضًا..
