بملعقة واحدة.. 6 فوائد للعسل تحدث في جسمك لن تصدقيها.. ما هي؟
هاجر تطلب الطلاق: «حماتي بتستعبدني وتضربني»
الأحد 19/سبتمبر/2021 - 05:56 م
فتاة صغيرة لم يتعد عمرها الـ23 عامًا، تزوجت على غير رغبتها من شاب يكبرها بـ4 أعوام وظنت أنها تستطيع التعايش بعد الزواج وأن العشرة ستخلق الحب بينهما، إلا أن ما حدث عكس ذلك، فحياتها تحولت لجحيم بسبب حماتها، لتترك منزل الزوجية بعد 10 أشهر وتطلب الطلاق لكن مع رفض زوجها لجأت لمحكمة الأسرة طلبا للطلاق.
«اتجوزت غصب عني، واحد معرفوش واتنقلت للعيش في بيت العيلة شقتي في نفس البيت، وكنت بنزل أمسح وأكنس وأطبخ، مع سلفتي في بيت حماتي، وكانت حاكمة عليا مطلعش شقتي غير الساعة 11 بالليل، أطلع مهدودة أنام مقدرش أعمل أي حاجة، ومش عاجبها»، تلك كان ملخص معاناة« هاجر.خ»، الزوجة التي لم تفرح على حسب روايتها.
وأمام محكمة الأسرة بدمنهور روت الزوجة التي طلبت إقامة دعوى طلاق للضرر تفاصيل طلبها للطلاق قائلة: « حماتي صعبة وبتقوي جوزي عليا، ودبت المشاكل والخناقات بينا كمان علشان اتأخرت شوية في الحمل، كانت بتعايرني، ومرة ضربتني بالحلة على دماغي وعلى وشي، ولما روحت أشتكي لجوزي قالي تستاهلي متتنأريش معاها وخديها على قد عقلها!».
اقرأ أيضًا..
"هير نيوز" ترصد حالات الطلاق خلال العشر سنوات الأخيرة
وأضافت الزوجة أنها تريد إقامة دعوى طلاق للضرر بعد رفض زوجها تطليقها أو الانتقال بها لمسكن زوجية بعيدا عن أمه وأهله: « قولتله طلقني رفض، فقولتله خلاص نتنقل في سكن تاني بعيد علشان نقدر نعيش حياتنا قالي مش هسيب بيتي وأروح أأجر طيب ما حماتي عاوزة تخرب بيتي ومفيش حل، علشان كدة عاوزة أطلق».
